LUC TSANGO EAMOSOBA EMATENDA 16:22 - New Testament in Mitsogo

²² Môsugee amawa. Asi g’ôba amavigédu na Nzambé gôémôtsua na vandé Abraham. Gékitige dôta amawa. Amagunyu.

LUC TSANGO EAMOSOBA EMATENDA 16:22 ပူးပေါင်းရင်းမြစ်များ

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 8:11

Nanôbeenda mbe oma ayekani angaviga gô gésa géviga kômbéne na gô gésa gékea yangô. Angadigaa tabudé épo na Abraham na Isaac na Jacob g’ôkumu aNzambé.

Marc 8:36

?Tsoongo ndé ôkô môma adiia éôma éetso éava tsina na adimbanéda monyoe wedi apie‐a?

LUC TSANGO EAMOSOBA EMATENDA 12:20

Nzambé amavovo n’edi mbe: Ewe, ti gédungé. Ti na pitsine, gédidi soo géngabambéô. Ongawa. ?Eetso émasuéga éwe éngaba éanda?

LUC TSANGO EAMOSOBA EMATENDA 16:21

Amanyôngéôkô éaa tseseye dimaagaka va tabudé éagékiti. Inzuaye dimaviaka gôévenda miitsômie miedi.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 13:23

Môneengi môvo, ône amootéa Jésus ényôngéô, amabaka digaa va kôbangô aJésus.

Jean 21:20

Pierre amagéngôga miso medi na ameena môvo môneengi awesea va ngimaô. Te ône amootéa Jésus ényôngéô. Te ône amatengama andé va tabudé gôéévôa Jésus mbe: ?Kumu ône angagôkabani indaa?

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 2:14

Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.

Jacques 1:11

Kômbéne étsigéda ômandaa na géviôviô sedi gégaséda mabunzame. Nzôbé diaaga. Enyepee yaô éôta. Mônongovo ga gékiti adimbanédiô gô mane mayanzangô.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.