LUC TSANGO EAMOSOBA EMATENDA 16:19 - New Testament in Mitsogo

¹⁹ Vamaba gékiti. Amaataka maduani mokumaka. Minya mietso amaaka te ga sueti. Asibuté ta na sôma.

LUC TSANGO EAMOSOBA EMATENDA 16:19 ပူးပေါင်းရင်းမြစ်များ

Marc 15:17

Ahmaatéda Jésus ngoyine éatsoo. Ahmadipa ngundu éamingoo gôémôaatéda yangô gô môtsé ga gépôkôdô sokumaka.

Marc 15:20

Vamamanahngô émôdeta, ahmamôsasa ngoyine éatsoo. Ahmamônikéa éaatéda môkandedi. Vane amamôkuséda na gô mbadi gôémôkomeda va gésumu sowa.

LUC TSANGO EAMOSOBA EMATENDA 15:13

Pitsi dibaé ditatô dimoota, môdimine amasuméa te bongogo mine miedi mietso na amakea na gô tsenge étongoni. Ameenda ônyama na amabunza mikuanyamie miedi mietso.

LUC TSANGO EAMOSOBA EMATENDA 16:1

Jésus amagunya aneengi edi tsava mbe: Gômabaka gékiti amaba na môsômbédi edi. Nyovo amookô mbe: Môsômbédine woo amani édimbanéda ékôtee yoo.

LUC TSANGO EAMOSOBA EMATENDA 16:18

One akina môgayedi na abaa muene, akea te gésasô. One abaa môgeto amakinôni akea te gésasô.

LUC TSANGO EAMOSOBA EMATENDA 16:20

Môsuga inedi Lazare, amabaka yamaa v’ombaa agékiti. Amabaka na miitsô, ôtôe wetso.

Gétsutsuéô 17:4

Mikanda mimaata môgetone ône te miosunu ôvôni na mianza mimasaô na dodo mimootéa ényepani. Amasumbéda g’ôgogo edi gébungu gémakônzu na dodo na gémayôa n’esima éedi éasagô éanzoh.

Gétsutsuéô 18:16

Ahngasôbasôbana mbe: Ah ti gô panda yagémbôkambôka gegé. Mbôkane émaata mikanda miosunu ôvôni miatsoo miokumaka. Emaata dôta misanga miosunu ôvôni na mianza mimasaô na dodo mimootéa ényepani.

Gétsutsuéô 18:7

Okana amaguga na panda dingeetsanye angô te ngu na ôkana okiti na ôkumaka ômabaka n’edi. Môsengee ône ômabaka ga môma gôétanganéda gô môtémedi mbe: Me nadigaa éva gadigaa môtômi atsenge g’ôkumaka edi. Me kaka môkué. Me tsangoongôa édéa môéngé na édigaa na kebo.