LUC TSANGO EAMOSOBA EMATENDA 16:16 - New Testament in Mitsogo

¹⁶ Bandôa na Moïse ngu na Jean-Baptiste, te mipuma miyekani mimaneegedu mige miaNzambé mimatôtsikéô na Moïse. Mipuma miyekani dôta mimaneegedu matendeo mapandôédi amatasa maNzambé. Ene ngékô épo. Epo ngékô ébandôa gô ndéô éaJean-Baptiste. Gô ngékô nedué étondéni, Tsangô Eamôsôba éokumu aNzambé éôkanô. Muetso agémbana môma na môma gôéengéa g’ôkumue ône.

LUC TSANGO EAMOSOBA EMATENDA 16:16 ပူးပေါင်းရင်းမြစ်များ

Matthieu 10:7

Gôkeanye ikédani na nigôani mbe, ôkumu aNzambé ôweseyi na gôndé wa n’anyô.

Matthieu 15:11

Kaka éne éengéa gô mônya amôma émôbévédani. Ivô te éne ékusa gô mônyedi émôbévédani.

Matthieu 21:32

Gôébégô Jean amaviga na gôndé anye gôénôtévéda nzéane ényôngéô Nzambé, ivô anye môsiitsé mitémamie gô éangô. Géé abongi adepu, n’akeyi agésasô asitsumé paga, ameetsa mitéma miaô. Béyé vameenanye nane, nôsikoé matasa manyô gôéétsa angô mitéma mianyô na gôénôtôga gô paga.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 4:17

Va géyénzage géne Jésus amabandôa éékéda. Amavovo mbe: Koani mitéma mianyô gôéba wene mônongo gôébégô ôkumu aNzambé ôweseyi na gôndé anye.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Marc 1:14

Jean ameengédu gô eba atsôgôô. Jésus amakea na gô Galilée gôéékéda Tsangô Eamôsôba émaviga gôndé Nzambé.

Marc 1:45

Ivô vamakea angô amasuméa te tubaga mbe mônayi yedi môkodi. T’ebandô Jésus asiôngôé éenanô mbe atsigi gô misenge na misenge. Angô amatongonéa na môsenge gô tungu disaba oma ayekani. Ivô oma ahmakobonoko na gôndé Jésus.

LUC TSANGO EAMOSOBA EMATENDA 10:11

Buéyé ébisi éatoto éambôkane éanyô, we tôduméda éangô gô makôdô masô. Ivô menyani mbe éébéyéé nane, ôkumu aNzambé ôweseyi na gôndé anye.

LUC TSANGO EAMOSOBA EMATENDA 10:9

Dôngédani ane angadenganye abeeani. Nigôani kumu yambôka mbe: Okumu aNzambé ôweseyi na gôndé anye.

LUC TSANGO EAMOSOBA EMATENDA 16:29

Abraham amasiia mbe: Anayoo andé na mitôma mimatsikéô angô na Moïse. Andé dôta na ndongi yapandôédi amatasa maNzambé. Mbe ookô yangô.

LUC TSANGO EAMOSOBA EMATENDA 16:31

Na Abraham amamôbeenda mbe: Okô ahsiôkô meekédu maMoïse na mane mapandôédie, asavidôôkô buéyé mbe môma amawani akundugéké.

LUC TSANGO EAMOSOBA EMATENDA 9:2

Amatôma ahngô gôéékéda Tsangô éokumu aNzambé na gôédôngéda abeeyi.

Jean 1:45

Gô mbene anzéa, Philippe amawanya na Nathanaël. Amamônigôa mbe: Tôenani na ône amavovoko Moïse gô miganda mimatendangô mige na mitôma na ndongi yaNzambé. Te ône amanigôa dôta apandôédi amatasa maNzambé. Te Jésus muana aJoseph, môsi mbôkane ééndô mbe Nazareth.

Jean 11:48

Okô tômôtsika gémôanza, muetso angamôétsa mitémamie gôékea géômbé gévo n’edi. Vane atômie wasô n’anyô asi Rome, angaviga gôépanzéda eba asô n’anyô aNzambé. Na ahngabunza éongo éasô n’anyô éetso, te gôndé mômôgôô nône.

Jean 12:19

Apharisien amavovo anguene n’anguene mbe: Aanakani gasingéô angô n’oma muetso. Wa n’anyô tôtsayi géôngôé émôénda ébégô.

Jean 5:4

Emabaka te nane. Môsi g’ôba amavigédu na Nzambé amasuma gô ndéô na ndéô gôépupéda mebame magévondoge. Vamapupa mebame, môbeene apanga ékuyaméa gô mangô te ône angadôngani pati yebeea.]

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.