LUC TSANGO EAMOSOBA EMATENDA 16:15 - New Testament in Mitsogo

¹⁵ Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

LUC TSANGO EAMOSOBA EMATENDA 16:15 ပူးပေါင်းရင်းမြစ်များ

Matthieu 23:5

Mane mayanzahngô amayanza v’ekanga mbe ényepee éaô éenanô n’oma. Môbôtô aMatendeo MaNzambé ôtsua eekédi, ahngô avundéda angô na atsua angô kataga va panza yaô na va mogo maô gômbe ôenanô. Ngoyi yaô yeekédi, aditongeda na adinyepeda gôéenanô n’oma.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 6:2

Okô éwe ôétsi misuga yôma ôbiia ônatoongo môsosi gôébuta éenanô n’akoo mbe: Odôô te ône eetsini. Asi enyepa éamiônya eenda te nane gô yeba yewanyéô na gô nzéa buta mbe oma akuméda ahngô. Me nanôbeenda na gô pie mbe angô amani édiia ôséngue waô n’oma. Asangeetsô ôséngu na Nzambé.

Matthieu 6:5

Asi enyepa éamiônya anyôngéô étema mitie gôévovo na Nzambé gô yeba yewanyéô na gô magô manzéa gômbe oma angakuméda ahngô. Ivô anye vavovo anye na Nzambé, nômbienda mônongovo geenda ahngô. Me nanôbeenda na gô pie mbe gôndé ahngô asabadô na tsoongo, amani édiia misenda miaô.

LUC TSANGO EAMOSOBA EMATENDA 10:29

Ivô môma nône amanyôngéô éakuméda amuene, amabambéa Jésus nyene nyivô. Angô mbe: ?Môkasô indaa?

LUC TSANGO EAMOSOBA EMATENDA 11:39

Kumu Jésus amanigôa angô mbe: Nôeni geendanye. Gô ébungue éanyô na gô épedee éanyô, nôsabômu éôvôa te gésa géngongo géenanôni. Géé va gatse nôndé nômayôa na manyima meesua, na ébévee éetso.

LUC TSANGO EAMOSOBA EMATENDA 18:11

Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô.

LUC TSANGO EAMOSOBA EMATENDA 18:14

Jésus angô mbe: Nanôbeenda mbe vandé ahngô abaé, môbongi adepu amanika na gô ebedi amasingéô kokoo na Nzambé. Géé Môpharisien, amanika na gô ebedi gésingéô kokoo. One aabatéda amuene angasugédu. Ivô ône aasugéda amuene, angabatédu.

LUC TSANGO EAMOSOBA EMATENDA 18:21

Mômôgôô nône amaabéa Jésus mbe: Môékédi, me bandôa g’ôanéngé ami, nakenea mige miemi mietso.

LUC TSANGO EAMOSOBA EMATENDA 18:9

Jésus amagunya tsavane édué gôndé ane ahmabaka n’ebioko.

LUC TSANGO EAMOSOBA EMATENDA 20:20

Ahmaanda Jésus gô bôvingô gôéôkô gavovo angô. Ahmatôma n’avo oma amaakuméda anguene mbe ahmisôba, gôékea diébô gôétambéa Jésus pagô na nyivô gôémôkubéda. Te gô mônongo ône amabuta étsua Jésus na gôndé asi ényanga, atômie atsenge.

LUC TSANGO EAMOSOBA EMATENDA 20:47

Ahnyôngéô émana éetso éndé gô yeba yamikué. Ahvovo disambô ditongoni te gô ényepa éamiônya. Gésisédéô saô géngootéa gévôni.

Jean 2:25

Jésus asibuté étubédu na môma minongomie miaô. Amuene amamenyaka mane magô mitéma miaô.

Jean 21:17

Vane Jésus amamôévôa éne éamôtatô mbe: ?Simon, muana aJean ônyôngéô me-a? Pierre ameena panda gômeevôa Jésus angô kuka ditatô mbe: ?ônyôngéô me-a? Na amaabéa mbe: Kumu, gôsaba ébégô ésamenya éwe, ôsabômu mbe nagônyôngéô. Jésus angô mbe: Kenea mandombo mami.

Mayanzame 1:18

(Môma nône amasômba tsaga na dodeye dimabongo angô gô môkôbée wedi. Gô tsaga nene amaaga mavéndavénda. Ebuyi éedi émaatéga. Na miiamie miedi mimaba mika va bobo.

Mayanzame 1:24

Vane muetso amadenganôni amavovo na Nzambé ôgi ôvo mbe: Kumu, éwe ôsabômu mitéma mioma muetso. Tubéda we ône asevoyi éwe va gatse omee abade adua.

Mayanzame 15:8

Nzambé te ône asabômu mitéma mioma. Ameetsa gémbégéa gétubéda mbe: Me nasinga adua, asabéyee Ajuif gamasinga me anye nôndé Ajuif. Gémbégéage te Gédidi sedi gémeengéa gôndé ahngô.

Romains 3:20

Môma, mbe asibévéké migemie mbe misikitsô. Gékeneo samige gésatsimaméda môma va mbene aNzambé.

Romains 8:27

Amuene Nzambé, ône avasa gô mitéma miasô n’anyô asabômu éne éduka Gédidi gôndé wa n’anyô. Gôébégô Gédidige gévovo na Nzambé gôndé asi mbumu éedi gô mane manyôngéô Nzambé.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

I Pierre 3:4

Ivô bakani n’enyepa ésenanôni éndé gô môtéma. Enyepee éagô môtéma ésagukani na ésakogani te éne éndé gô môtéma ômasumani na agébé na mikebanganô. Te éne ésingéda Nzambé.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.