LUC TSANGO EAMOSOBA EMATENDA 15:6 - New Testament in Mitsogo

⁶ Vanikangô na gô mbôka, mômôgôô nône abambéa wee yedi n’akedi muetso na gô eba. Angô mbe: Aneya, tôtsôkékéni. Ene édimbanikini neetsutsui.

LUC TSANGO EAMOSOBA EMATENDA 15:6 ပူးပေါင်းရင်းမြစ်များ

LUC TSANGO EAMOSOBA EMATENDA 1:58

Ane amabambana yeba na Elisabeth mbôkepo amookô. Kindedi na kinde amômiedi amookô na amatsôkéa n’edi ébégô évôni émayanza Kumu Nzambé gôétubéda angô étondoe éedi.

LUC TSANGO EAMOSOBA EMATENDA 15:10

Jésus amatimbôanéda mbe: Nanôbeenda mbe asi g’ôba ayanzie aNzambé atsôkéa ti tsôkéa gôndé môma môbévani, buéyé mbe môvo akoa môtémedi gôéba wene mônongo.

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

LUC TSANGO EAMOSOBA EMATENDA 15:5

?Veetsutsuangô angeenda nayee? Eetsua gétsôtsô na gényônga.

LUC TSANGO EAMOSOBA EMATENDA 15:7

Jésus amatimbôanéda mbe: Te mônongovo gandé g’ôba gôndé Nzambé. ?Na môma môvo akoa môtémedi, na nzima ditenadinayi n’oma atenanayi asikoe mitéma miaô, ône amatsôkéôni indaa?

Jean 15:14

Anye te wee yami yamôtéma ôkô nôéndi éne énôtôma me.

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

Mayanzame 15:3

Asi mbumu éaNzambé amatôma ahngô môtôôe ône. Amakea akitsangana tsengeye yaPhénicie na Samarie. Gô nzéa ahmanigôa akaô tsangône gakoa ane asaba Ajuif matasa maô gôéétsa Nzambé mitémamie. Tsangô nene émakasôgéda ana a Tétee n’aô muetso agô mbumu éaNzambé.

Philippiens 1:4

Kuka yetso diteta me miname manyô g’ôsambô, namateta te na gényônga.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 4:1

Endé te nane, ana aTétee amôtéma, me nookô anye ti tsôvé. Gôébégô anye nôkasôgéda me. Me nanyemôga dôta gôndé anye na gényônga. Namani énônigôa gasipa môma gô monyo ôdigaangô na Kumu Jésus.

1 Thessaloniciens 2:19

?Ane andéké tsoongone yami yandaa? ?Ane andé gényôngage sami yandaa? ?Ane andéké gémbégéa sebadi émagenya me yandaa? Ka te anye. Vangaviga Kumu Jésus nanganyemôga na gényônga te gôndé anye.

I Pierre 2:10

Va mbeego anye nôsibaké oma aNzambé. Ivô deo noo nôka asi mbumu éedi. Va mbeego Nzambé asinôeneke ngeba. Ivô deo noo anôena ngeba.

I Pierre 2:25

Anye nômagonoko ga mandombo madimbanéyiô nzéa, ivô n’atsatsee nôniki na gôndé Christ môbôngôyi anyô na môkeneyi anyô.