LUC TSANGO EAMOSOBA EMATENDA 15:24 - New Testament in Mitsogo

²⁴ ?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

LUC TSANGO EAMOSOBA EMATENDA 15:24 ပူးပေါင်းရင်းမြစ်များ

Matthieu 8:22

Ivô Jésus amamônikéda mbe: Oka géômbé gévo n’ami. Ane amawani agunyédéké anguene.

Marc 8:22

Ahmabuéa gô mbôka étetu mbe Bethsaïda. Oma ahmatsuéa Jésus môsi pogu. Ahmamôénda mbe: Banda angô.

LUC TSANGO EAMOSOBA EMATENDA 10:19

Oôkôni édué. Me nameetsa anye ngudi yeyeta nyogo na ngôtô, na gôébunza manyangame metso mamôdudeo. Anye nôsangookô pievia. Gôsaba sôma génganôbévédani.

LUC TSANGO EAMOSOBA EMATENDA 15:23

Tsôpani tabane éamôvangô na yôhani yangô. Tôaakéni na tôtsôkékéni.

LUC TSANGO EAMOSOBA EMATENDA 15:25

Môdimine amatsiga na gô eba atétedi, te mônône andé gô madeke. Vamatsiga mônô edi gô mbôka, aka mbe amabuéa na gô eba, amookô oma atsôkéa na mimbô na miginô.

LUC TSANGO EAMOSOBA EMATENDA 15:32

Ivô deo noo tôtsôkékéni na tôaakéni môambôe gôvigi môdimine woo ône. Môdimine woo ône abaki mônongovo ga môma amawani na aniki gôéba na monyo. Amadimbanaka na atsutsugi.

LUC TSANGO EAMOSOBA EMATENDA 15:4

Angô mbe: Gandé anye amôgôô. Môvo andé na mandombo medi, môkama. Endombo évo édimbana. ?Mavo nzima ditenadinayi na mandombo matenamanayi asangatsika mangô gô tungu éaa mangô, akebuta éne émadimbanani-a? Abuta, abuta, ngu na vangeedengangô.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 9:60

Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé.

Jean 11:25

Jésus amamôpandôéda mbe: Me te gékundugéô sanyô. Me te monyoe wanyô. One eetsa me môtémedi wetso angaba na monyo buéyé mbe awéyi.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Romains 11:15

Ekegea te nane. Gô ndéône émakôngéga Nzambé Ajuif na va kôbangô, oma muetso amanikéa évambédu n’amuene. Tambô gô ndéône éngawasedu Ajuif na gôndé Nzambé ?ésangootéa ényepa gôndé oma muetso-a? Engootéa ényepa. Ane ambaka g’ôwa angaba na monyo.

Romains 12:15

Tsôkéakani n’ane atsôkéani. Déakani n’ane adéani.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 12:26

Gôwangô môpéndé, môtanda ôôkô pievia. Na dôta ôkô géema gévo gékumédu, na éeme éetso éndé gôétsôkéa.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

I Timothée 5:6

Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka.

Jude 1:12

Vadigaahngô n’anyô gôéaa môambô ôaa asi mbumu éaNzambé andé gôéenza môambôe wanyô na mônongoe waô agéyuka gébévani. Aseena tsoyi gô mônongoe waô. Aaka gô môambô n’onzôô ôvôni. Ahndé ga dibôngé ditsuaô n’opunga, disanyogeda mbuua. Ahgono na éétété éamiônda ésabôtani. Buéyé gô ndéône ébôta miônda, éndé te yabi ditévo. Andé ga éétété émayuuni. Mitamba miaô misaba gô toto. Eététée éwa.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.