LUC TSANGO EAMOSOBA EMATENDA 14:32 - New Testament in Mitsogo

³² Okô mbe asangoongôa égenya, angatôma gévovi gôéwanyéda môdudeone gôémôvooto agébaka gôdagôda mbe: Gôsabadô môgenye. Tôkônzéké ébégôe. ?Onyôngéô nayee?

LUC TSANGO EAMOSOBA EMATENDA 14:32 ပူးပေါင်းရင်းမြစ်များ

Matthieu 5:25

Okô môkoo agôtsuéyi môsunda, yavôga ékônza ébégôe n’edi nôgébaka gô nzéa madeo nôsibuéa gô eba amisoso, kabaga ébégôe éba évôni va mbene agévovi. Na kabaga gévovi agôétsa môgôde, na kabaga môgôde agôengéda gô tsôgôô.

Matthieu 5:42

Gôndé ône anôduka sôma, buedi gôémôétsa sangô. Nômbiakina ésombeda sôma gôndé ône atuba tsombi gôndé anye.

LUC TSANGO EAMOSOBA EMATENDA 12:58

Okô môkoo agôtsuéa môsunda, yavôga ékônza ébégôe n’edi nôgébaka gô nzéa madeo nôsibuéa gô eba amisoso, kabaga ébégôe éba évôni va mbene agévovi, na kabaga gévovi agôétsa môgode, na kabaga môgode agôengéda gô tsogôô.

LUC TSANGO EAMOSOBA EMATENDA 14:31

Gôndé môtômi atsenge akea gôégenya ébadi te mônongovo. N’egékiaka angapanga étasa mbe: Me éva nandé na nzimepo amitônisa miamigode. Môkasô dôta, môdudeone aviga gôégenya n’ami na mine miedi nzima dibaé yamitônisa. ?Nangoongôa-ma?

LUC TSANGO EAMOSOBA EMATENDA 14:33

Va vane Jésus amatimbôanéda mbe: Gôndé anye te mônongovo. Gôsaba môma angakea n’ami nzéepo gôéba môneengi ami, angô gékiné éetso éndé n’edi.

LUC TSANGO EAMOSOBA EMATENDA 19:14

Tambô asi tsenge éedi asimônyôngéô. Amakudéga ôgie na gô tsenge émakeangô mbe: We tôsanyôngéô mômôgôô nône anika n’egô gôétôma we.

Mayanzame 12:20

Hérode amabaka ti n’opisa ôvôni n’asi mbôkaye diindô mbe Tyr na Sidon. Asidigéé n’ahngô n’evamba. Tambô asi Tyr na Sidon amabôngôku te na môyakôe agô tsenge éaHérode. Omeaa amavangana gôébuéa na vandé Hérode gôémôduka mbe: Singéa wa n’anyô tôomba évamba. Tôbaké na gétabé. Amavooto môma môvôni, inedi Blastus, gôésungéa ahngô va mbene aHérode. Tambô Blastus te môgode agô eba amuene Hérode. Vane oma amakea n’edi gôévovo na Hérode.