Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LUC TSANGO EAMOSOBA EMATENDA 14:23 - New Testament in Mitsogo

23 Kumu éamôambôe amoomba étôma môyanzine mbe: kiaka ôkebambéa asi gô madeke, n’ane ahndé gô tsaga yaô mbe: Ahvigé gô suetine. Ahsavéa. Ahviduga gô ebami.

အခန်းကိုကြည့်ပါ။ ကော်ပီ




LUC TSANGO EAMOSOBA EMATENDA 14:23
37 ပူးပေါင်းရင်းမြစ်များ  

Jésus amoomba évovo mbe: Nanôpandôéda mbe t’ebandô ôkumu aNzambé ôngawatô gôndé anye na ôngeetsô avo oma andé ga géétété gébôta miônda miamisôba minyôngéô kumu éagéétété, te ane angeenda éne ényôngéô môtômine okumue aNzambé. [


Okô atômi atsenge agôtôma gôétsua égumba gô môtéta ôvo, buedi gôémôtsuéa na gényônga buéyé mitéta mibaé.


Môyanzine amabeenda kumu éamôambôe mbe: Ane abambéyi éwe gô mikii ahnguaa. Gôgébaka gétungu.


Nagôbeenda mbe ane ahmapanga ébambéôni ahmakinakani ahsabémba môyakôe wami.


Ivô akedi abaé amamôsikéga mbe: Dunda n’asô éva, évitsie évigi, nyoo ôédi. Angô ameengéa gôédigaa n’ahngô.


Môgeto nône ameetsô bateme, angô na asi ebedi muetso. Vane amabambéa we mbe: Okô anye nômenyi na gô pie mbe me neetsi Kumu Jésus môtémami wetso, tambô vigani nôvidigaa gô ebami. Asinyôngéô mbe we tôkina.


Ivô Ajuif amakékôa éne émavovo angô na amamôtoko. Vane Paul amaduméda ébisi éamaduanime medi gôéeveda ahngô mbe: Okô anye nôkea gôédimbana te ébégô éanyene g’ôsôbee wanyô. Me tsaba gô éne. Bandôa deo noo, nakea na gôndé ane asaba Ajuif.


Paul amoomba énigôa mbe: Tambô menyani mbe meekédu magéobogeo gémakônza Nzambé gôndé wa n’anyô mangeekédu ane asaba Ajuif. N’ahngô angamookô. [


Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.


Ivô me Paul natsapéô. ?Tambô ahngô madeo asiôkô-a? Na gô pie amookô. Matendeo MaNzambé matônigôa gôndé eekédi mbe: Ogie waô ômookanô gô tsinane nyetso. Mavovia maô mamabuéa na gô tunguye yamakôdéô matsinane.


Wa n’anyô tôsabômu égobeda Kumu na gomo. T’ebandô tôtévéda oma mbe akoa matasa maô. Nzambé asabômu we v’ebandô na v’ekôdéô. Me Paul naténdéda mbe gô mitéma mianyô anye dôta nôsabômu me.


We gébika saChrist tôvovo n’anye, ti eembe te amuene Christ avovo n’anye. Tônôbambéa ti eembe te amuene Nzambé anôbambéani. Tônôgondo gô ina aJésus‐Christ mbe singani angô gôénikéa évambédu évambevo na Nzambé.


T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.


Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.


T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.


Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ