LUC TSANGO EAMOSOBA EMATENDA 13:24 - New Testament in Mitsogo

²⁴ Gényôgani gôéengéa g’ômbee ôgeôge. Menyani na gô pie mbe ayekani anganyôngéô éengéa gô angô ivô asangoongôa.

LUC TSANGO EAMOSOBA EMATENDA 13:24 ပူးပေါင်းရင်းမြစ်များ

Matthieu 11:12

Bandôa gô ndéône émeekéda Jean‐Baptiste ngu na ndéô nedué oma agémbana gôéengéa g’ôkumu aNzambé. Oma angudi dôta anyôngéô éwata ôkumue gôndé anguene.

LUC TSANGO EAMOSOBA EMATENDA 13:23

Môma môvo amamôévôa mbe: Kumu beenda me, ane angoobouni ?asangaba te vipesu-a? Jésus amamônigôa mbe:

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

Jean 13:33

Anami, nagébaka vavo n’anye te vipesu viandéô. Ene émanigôa me Ajuif, nanônigôa éangô te mônongovo. Nôngabuta me ivô gôkea me anye nôsangagôbuéa.

Jean 5:4

Emabaka te nane. Môsi g’ôba amavigédu na Nzambé amasuma gô ndéô na ndéô gôépupéda mebame magévondoge. Vamapupa mebame, môbeene apanga ékuyaméa gô mangô te ône angadôngani pati yebeea.]

Jean 6:27

Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.

Jean 7:34

N’anye nôngabuta me ivô nôsangatsutsua me. Ekegea te nane. Gôkea me, anye nôsangoongôa ébuéa.

Jean 8:21

Jésus amoomba énigôa oma mbe: Me nangakea na anye nôngabuta me. Ivô anye nôngawa te gô tsina amabégô manyô mabévani. Gôkea me, anye nôsangoongôa égôkea.

Romains 10:3

Ene édaga gôndé ahngô te gôsamenyahngô mbe Christ amawa gôétsimaméda ahngô va mbene aNzambé. Ajuif amakônza wene mônongo gôéahtsimaméda anguene. Ahmakina môngongoe ômakônzéa Nzambé ahngô.

Colosses 1:29

Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Hébreux 4:11

Tôgényôgéni gôéengéa na gô gévôgiméôge egé saNzambé. Tôweméni kabaga gôkékôa môma ôgi aNzambé na kabaga avéa gôéengéa gô gévôgiméôge gameenda ane amasanéa gô tsenge émagasani.

II Pierre 1:10

T’ebandô ana aTétee gényôgani na ngudi gôésipa gômaabéa anye mbeeane émabambéô anye na Nzambé na gô gésevôéôge sedi gémasevou anye. Okô nôénda nane, anye nôsangapônga ta na pesu.