LUC TSANGO EAMOSOBA EMATENDA 12:5 - New Testament in Mitsogo

⁵ Oôkôni geevéda me anye. Buedi gôéôkô Nzambé gomo. Vangayôhu ôtô, Nzambé andé na wene ôwa, te ône agô mungu asoto. Ii, nanôevéda te nane. Oôkôni Nzambé gomo.

LUC TSANGO EAMOSOBA EMATENDA 12:5 ပူးပေါင်းရင်းမြစ်များ

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Marc 13:23

Tambô anye, bakani n’ekena. Namani éevéda anye mabégô mema madeo masibuéa.

1 Thessaloniciens 4:6

Gô mabégô mema Nzambé asanyôngéô mbe môma abévéda muana aTétee n’edi gôébongo éne ésaba éedi. Tômani énôbeenda na tômani énôevéda mbe, Kumu Nzambé angeeséda ane eenda mônongoe ebéva ône.

Hébreux 10:31

Endé ti édagani gôétsôpu na mogo maNzambé ône asawani.

II Pierre 2:4

Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.

Gétsutsuéô 14:7

Amavovo na ôgi agô ngongo mbe: Gobedani Nzambé na gomo. Tubédani angô géneega géwanya n’okumakee ôndé n’edi. Nôeni, ndéône ébuéyi éne éngatsundédangô oma. Negeedani ône amakana ôba na tsina na mbéyi na tungu yetso dibunduga meba.

Gétsutsuéô 15:4

?One asookô éwe gomo indaa? ?One akina éneegeda éwe indaa? Ewe te Kumu éetsimama, gôsaba muene. Asi tsengeye yetso ahngaviga gôékotomo va mbene oo gôégobeda éwe. Géesédéôge soo gésapenganani gémeenanô va vede.

Gétsutsuéô 20:14

Owa na tsenge édigaa ane amawani émagunyu na gô mungu asoto. (Mungue asoto ône, te ôwa amôbaé.)