LUC TSANGO EAMOSOBA EMATENDA 12:4 - New Testament in Mitsogo

⁴ Jésus amavovo mbe: Me navovo te n’anye nôvamba n’ami. Nômbiookô oma gomo ane andé na ngudi yeyôha yôtô yanyô. Vangamanangô énôyôha, va mbenene vane asabadô na éne ébégô.

LUC TSANGO EAMOSOBA EMATENDA 12:4 ပူးပေါင်းရင်းမြစ်များ

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Jean 15:13

Enyônganéô éôtéa metso, te mbe môma eetsee monyoe wedi gôéwa gôndé môkedi.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 4:13

Asi kundu épôni amatsapéô vameenangô Pierre na Jean avovo gébe na gomo. Amatsapéô asibômu mbe abaé adua te oma abobo asaba na géneenga gévôni. Ahsibômu dôta mbe adua te ane amavamba na amakénga va meego na Jésus.

Philippiens 1:28

Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé.

Jacques 2:23

Te gômeenanô mane matôtanga gô Matendéô MaNzambé mbe: Abraham ameetsa Nzambé môtémedi wetso. Na Nzambé ameena Abraham ti eembe môma agébé n’oési. Nzambé amateta Abraham mbe: Wee ami.

I Pierre 3:14

Buéyé mbe nane, vangeenanye maguga gô mane meendanye mamisôba, tsôkéani. Nômbiasinga oma eetsa anye gomo na mikebanganô.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.