LUC TSANGO EAMOSOBA EMATENDA 11:9 - New Testament in Mitsogo

⁹ Na Jésus angô mbe: Gô miduké mioma na Nzambé éndé te nane. Dukani na môvinéné na nôngeetsô. Butani na môvinéné na nôngadenga. Bôkédani na môvinéné na nôngakukuéô.

LUC TSANGO EAMOSOBA EMATENDA 11:9 ပူးပေါင်းရင်းမြစ်များ

Matthieu 21:22

Okô anye nôétsi mitéma mianyô mietso gô éne édukanye Nzambé g’ôsambô, nôngeena éangô.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 6:29

Me nanôbeenda mbe, buéyé na môtômine Salomon ône akumédu g’ôndômedi ôvôni, asiaaté maduani mamisôba gaata éététée.

Marc 11:24

T’ebandô me navovo n’anye mbe vadukanye Nzambé ébégô, itsani na mitéma mianyô mietso mbe nômani éédiia. Na angô anganôétsa.

Marc 13:37

Ene évovo me n’anye navovo te n’oma muetso mbe: Bakani n’ebagé géebaé.

LUC TSANGO EAMOSOBA EMATENDA 11:10

One adukani, angeetsô. One abutani, angatsutsua. Ombee ôkukuu gôndé ône abôkédani.

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Jean 4:10

Jésus amamônigôa mbe: Mbe ômenyiki éne éndé na Nzambé gôégôétsa, na mbe ômenyiki ône agôduki meba manyuakaga, éwe mbe te ômôdukini. Angô mbe te agôétsi meba meetsa monyo.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

II Corinthiens 6:2

Nzambé atônigôa gô Matendeo medi mbe: Me namookô ôgie woo, te gô ndéône éami éangeba na éetondo. Me namagôwedéa te gô nyee agéobogeo. Nôeni, ndéône ébuéyi éne ésingéô ngeba na étondo éaNzambé. Deo noo te nyee agéobogeo.

Hébreux 11:6

Tambô gôsaba môma oongôa étubéda Nzambé gényônga ôkô angô andé na paga. Endé te nane. One awesea na gôndé Nzambé te ône eetsa môtémee wetso gébé na paga mbe Nzambé andéké, na mbe Nzambé amenya étsutsuga gôndé ane amôbutani.

Hébreux 4:16

Tôweséni gébé na buétsé, na gô gédigaa sokumaka saNzambé Kumu angeba. Vatôwesea na gôndé angô tôsingéô n’edi kokoo na tôétsô ngudi gôésipa gô ndéôye didagani.

Jacques 1:5

Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

Jacques 5:15

One eetsa Nzambé môtémedi wetso gétsumé ngudi yedi paga vadukangô, môduké wedi ôdôngéda môbeeyi. Kumu atimôa angô na ébévee éedi ésingéô kokoo.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.