LUC TSANGO EAMOSOBA EMATENDA 11:41 - New Testament in Mitsogo

⁴¹ Ene ésuéga anye gô ébungue éanyô na gô épedee éanyô, kabakani éangô na misuga, na vane éetso éngaba te émagôgéani gôndé anye.

LUC TSANGO EAMOSOBA EMATENDA 11:41 ပူးပေါင်းရင်းမြစ်များ

Matthieu 26:11

Misugamie mindéké n’anyô pitsi yetso. Géé me, tsangaba n’anyô.

Matthieu 5:42

Gôndé ône anôduka sôma, buedi gôémôétsa sangô. Nômbiakina ésombeda sôma gôndé ône atuba tsombi gôndé anye.

Marc 7:19

Ene éaa môma ésasutuméa gô môtéma, ésutuméa te gô ébuyi, na ékusa g’ôtô edi na gôseenanô éangô. (Gô mavovia mema, Jésus amapandôa mbe môyakôe wetso te aakaga.)

LUC TSANGO EAMOSOBA EMATENDA 12:33

Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza.

LUC TSANGO EAMOSOBA EMATENDA 16:9

Jésus amanigôa ahngô mbe: Me nanôongo ndongi mbe ôkitie ôndé ébégô édagani, ivô ôkô nôndé n’angô yanzani n’angô gôévamba n’oma. Nyee ôngagôga angô nôngeengédu na g’ôba gô tsenge éamôbô na môbô.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

LUC TSANGO EAMOSOBA EMATENDA 19:8

Zachée amatema gôévovo na Jésus mbe: Kumu ôôkôyee. Okitie wami wetso, nangatatôa angô va gatse. Ovô ôkabô nangôôkabanéa na misuga. Okô nabongi dode yamôma isuaga dodepo, nangeeséda memuene, nangamônikédéa dode dinayi.

Mayanzame 10:15

Ogi ômoomba évovo mbe: Okô Nzambé ameenda mbe: Sôma gége géndé gémagôgéani, ômbieenda mbe: Me tsaa. Gésigôgéé.

Mayanzame 11:29

Aneengie amavangana anguene gôéwedéa akaô. Angô mbe: We muetso, môma na môma tôngeetsa éne éndéké n’asô gôékudégéa ana aTéta asi mbumu éaNzambé adigaa gô Judée.

Mayanzame 24:17

Gô mivo mipuma me tsibaké gô Jérusalem. Navigi pitsi yedi gôétsua géômbé sami dodeye gôéwedéa angô na gôéneegeda Nzambé na ôgondoku.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

Ephésiens 4:28

Te mbe ône amabaka muisui anzeegede éésua. Buedi mbe ayanzé na mogome medi amuene gôédiia mane manyôngéô angô géésué. Na eetsé dôta na misugamie gô mane mayanzangô.

Tite 1:15

One andé na môtéma ômagôgéani, mane medi metso te mamagôgéani. Géé ône andé na môtéma apaga ôsigôgéni, mane medi metso te masigôgéni. Gôébégô muangee amôtémedi ôndé gô évitsi ôsoongôa émôtsundéda.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.