LUC TSANGO EAMOSOBA EMATENDA 11:36 - New Testament in Mitsogo

³⁶ Okô ôtôe woo wetso ôndé ômayôa na gévede gôsangaba ta na vitungu vivo vingasanéa évitsi. Vane ôtôe ôdigaa na vede, ti eembe ôndé na dambine éobébayi gô gatse oo.

LUC TSANGO EAMOSOBA EMATENDA 11:36 ပူးပေါင်းရင်းမြစ်များ

Matthieu 13:52

Vane Jésus amavovo mbe: Anigôi amige miaNzambé akoga gôékea n’ami gô nzéa éokumu aNzambé, agono na mômane akuséda gô gégaa sedi ôkiti amanza na ôkitie ambeego.

Matthieu 5:15

Môma asatumba dambi na tsué gôésuéga yangô gô gatse amôdômbô. Ivô amivumba te va gévumbéô sambe éngatanéda ebee wetso n’oma angadigaa gô gévede.

LUC TSANGO EAMOSOBA EMATENDA 11:35

Tambô ôwema, kabaga gévede géndéké n’ewe gékoga sevitsi.

LUC TSANGO EAMOSOBA EMATENDA 11:37

Vamamana Jésus évovo, Môpharisien amamôbambéa gôéaa môyakô gô ebedi. Jésus amakea na amadigaa va tabudé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Hébreux 5:14

One aa môyakô ôodôni te ône asabadô muanéngé na ameekeganô gôésevoa mane mamisôba na mane mabévani.

Jacques 1:25

Ivô ône abono gô mige na mitôma na ndongi yetsimama, te ndongi dikuséda môma g’ôvéga, abono na nzôô, atôneegeda éangô na andé na môvinéné asangeeba mane mookiô angô. N’angô eenda metso mookiô angô angeetsô na Nzambé mate gô môdigéôe wedi.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.