LUC TSANGO EAMOSOBA EMATENDA 11:34 - New Testament in Mitsogo

³⁴ Miso mamôma te ga dambi étômbéda ôtôe wedi wetso. Okô miso moo meenéa, na ôtôe wetso ôngaba na vede. Ivô ôkô miso moo mabeea, na ôtôe wetso ôngaba gô évitsi.

LUC TSANGO EAMOSOBA EMATENDA 11:34 ပူးပေါင်းရင်းမြစ်များ

Marc 4:12

Endé te nane. Ahngô ahngeena ivô gémanéé. Ahngô angookô ivô génigôgéô. Ahngô kabaga ahkoga na ahngô kabaga ahsingéô kokoo gô ébévee éaô.

Marc 7:22

anyima éaanga éôma, abévéda akedi, apata, adigaa ga môma avétsi môkambô. Obonedi abengôa, atsuava akedi, andé na bôpeeo, andé n’odungé.

Marc 8:18

Anye nôndé na miso ?nôseena‐a? Anye nônde na matô ?nôsookô‐a? ?Nôsabangôa‐a?

LUC TSANGO EAMOSOBA EMATENDA 11:35

Tambô ôwema, kabaga gévede géndéké n’ewe gékoga sevitsi.

Mayanzame 13:11

Ewe ôôkô ébégô édué. Kumu Nzambé agôééméda pogu. Osangadôena gévede sakômbéne ngu na ndéône énganyôngéô amuene Nzambé. Tsina na tsina miso mElymas mameeméga na pogu. Evitsie émapikaméa angô. Amapapatana na gésa na gésa gôébuta môma gôékea émôtévéda.

Mayanzame 2:46

Minya mietso amabaka gô eba aNzambé gévéé. Amabukua mipemba gô yeba yaô na amaaka miyakô miaô na gényônga na mitéma mimasumani.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 6:5

Ndongi yedi te yangô avéga. Gobedani kumuye yanyô yava tsina n’edita na gomo. Yanzéani ahngô na môtémovo ti eembe nôyanzéa te amuene Christ.

Colosses 3:22

Anye avéga, gobedani mane matômu anye na kooko yanyô yava tsina. Indani na mitéma mimasumani buéyé mbe asaba wangô gôénôbono, buta mbe nôgobeda Kumu Jésus n’ene éyanzanye.