LUC TSANGO EAMOSOBA EMATENDA 11:29 - New Testament in Mitsogo

²⁹ Gômakôvana géômbé soma na gô kôbangô aJésus amanigôa ahngô mbe: Oma abévani asi pitsi yedi abuta étubédu gémbégéa sangudi yaNzambé gô mayanza mamisôba masoongôa môma ésupua. Ivô ahsangeena gémbégéage gésoongôa môma ésupua, buétsé te géne gémeenanô gôndé Jonas, môpandôédi amatasa maNzambé.

LUC TSANGO EAMOSOBA EMATENDA 11:29 ပူးပေါင်းရင်းမြစ်များ

Matthieu 3:7

Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 11:16

Avo amanyôngéô étambéa Jésus pagô gôémôkubéda. Amamôévôa mbe: Tubéda we gémbégéa sangudiye yoo. Okô mbe diviga gôndé Nzambé we tôngeena.

LUC TSANGO EAMOSOBA EMATENDA 11:50

Jésus amoomba mbe: T’ebandô anye asi pitsi yedi nôngasisédu gô diôwaye yetso yapabdôédi amatasa maNzambé bandôa vamakanô tsina n’oba.

LUC TSANGO EAMOSOBA EMATENDA 12:1

Gô ndéô nene, ane amakôvanaka gôéôkô meekédu maJésus amabaka géômbé gévôni éyekee ga mabunza gô pindi, amayetanaka anguene n’anguene. Jésus amavovo te n’aneengie mbe: Ebégôe évôni, nôwema gô levurene éApharisien. Levure ékegea mbe ényepee yaô éamiônya.

LUC TSANGO EAMOSOBA EMATENDA 9:41

Jésus amavovo n’ahngô mbe: Ti anye, asi pitsi yedi nôndé ti asi paga n’abévi. ?Nangoomba édigaa n’anye pitsi dikee? ?Nangoomba ésipéda anye éma ékee? Viga na muanee woo.

Jean 2:18

Vameena Ajuif éne émeenda Jésus amamôsemba mbe: ?Ene ééndi éwe gô eba aNzambé ôtômiô na ndaa mbe: Inda te nane? Okô mbe ôndé n’enyanga tubéda we gémbégéa.

Jean 6:30

Oma amamôévôa mbe: ?Gôétubéda we ngudiye yoo ôngeenda nayee? ?Ongatubéda we gémbégéa ndé géngeetsa we éwe mitémamie? Yanza va miso masô ébégô ényônganéôni ésoongôa môma ésupua.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

I Corinthiens 1:22

Ajuif anyôngéô étubédu émbégéa éangudi yaNzambé, te mayanza manyônganéôni masangoongôa môma ésupua gôémenya na gô pie mbe Nzambé andéké. Agrec dôta abuta éodo gôémenya mabégô metso.