LUC TSANGO EAMOSOBA EMATENDA 10:29 - New Testament in Mitsogo

²⁹ Ivô môma nône amanyôngéô éakuméda amuene, amabambéa Jésus nyene nyivô. Angô mbe: ?Môkasô indaa?

LUC TSANGO EAMOSOBA EMATENDA 10:29 ပူးပေါင်းရင်းမြစ်များ

Marc 8:34

Na Jésus amabambéa géômbége n’aneengie na amavovo mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé géômbé gévo n’ami.

LUC TSANGO EAMOSOBA EMATENDA 10:36

Jésus angô mbe: ?Gondé ahngô atatô ahmeena môbeene, môkedi indaa gamenya éwe?

LUC TSANGO EAMOSOBA EMATENDA 16:15

Jésus amavovo n’ahngô mbe: Anye te nôenanô n’oma mbe nôndé oma amisôba tambô Nzambé abono te môtéma amôma na asabômu mine mianyô. Menyani mbe éne étanganéda môma mbe ébégô évôni, va miso maNzambé ésaba na tsoongo.

Romains 10:3

Ene édaga gôndé ahngô te gôsamenyahngô mbe Christ amawa gôétsimaméda ahngô va mbene aNzambé. Ajuif amakônza wene mônongo gôéahtsimaméda anguene. Ahmakina môngongoe ômakônzéa Nzambé ahngô.

Romains 4:2

Nzambé ameena Abraham ti eembe asibé n’oési va mbene aNzambé. Amamôena nane, kaka gô mayanza medi mamisôba na gô gékeneo sedi samige na mitôma miaNzambé. Mbe amadiia te gô mayanzame medi, Abraham mbe amaakuméda amuene.

Galatie 3:11

Béyé nane éndé ti na vede mbe Nzambé aseena môma ti eembe asaba n’oési te gô ngudi yamige miaNzambé mikenea angô gôébégô Matendeo MaNzambé matônigôa mbe: One andé va mbene aNzambé gétsumé ngudi yedi paga te ône andé na monyo.

Jacques 2:24

Môma eetsa Nzambé môtémedi wetso gébé na paga te buedi. Ivô kaka go éne étévo mbe Nzambé eena môma ti eembe asaba n’oési. Mitayi miamôma va mbene aNzambé te gô ésimedi.