LUC TSANGO EAMOSOBA EMATENDA 10:2 - New Testament in Mitsogo

² Jésus amavovo mbe: Tsagane éndé épôni. Na éne émakandani na émoodoni éndé ti éyekani. Ivô ayanzie asaba ayekani gôéendéga éne émagaabôkôni. T’ebandô nanôtôma mbe: Dukani kumu atsagane mbe anôétsa ayanzi gôéengéda éne émagaabôkôni.

LUC TSANGO EAMOSOBA EMATENDA 10:2 ပူးပေါင်းရင်းမြစ်များ

Matthieu 20:1

Jésus amavovo mbe: Oôkôni éne égoneda me ôkumu aNzambé. Ogono na kumu atsaga amamenegéa gôébambéa ayanzie mbe aviga aviyanza gô tsagedi éetété ééndô mbe ôvigne.

Marc 13:34

Jésus angô mbe: Te gandé môma akea môtôô. Atsika ebedi na ayanzi edi. Eetsa ahngô ényangee. Atsikéa môma na môma n’edi éyanza. Avovo na môkenene ombee mbe: Ombieeboga vio.

Marc 16:15

Jésus amatôma aneengie mbe: Kiakani na gô tsengeye yetso. Ikédakani Tsangô Eami Eamôsôba gô mongome metso.

Marc 16:20

Aneengie ahmakea tunguye yetso gôéékéda Tsangô Eamôsôba. Kumu Jésus amayanza n’ahngô. Mabégô manyônganéôni masoongôa môma ésupua mamayanzahngô mamatubéda oma mbe meekédume éma ti mapie.]

LUC TSANGO EAMOSOBA EMATENDA 9:1

Jésus amakôkanganéda aneengi edi nzima n’abaé. Ameetsa ahngô ényanga na ngudi gôétôma édidi ébévani. Ameetsa ahngô na ngudi gôédôngéda mabeea metso.

Mayanzame 11:19

Gô ndéône émayôhu Etienne, gékuanô gévôni gémabuéa gôndé ane ameetsa Jésus mitémamie. Asiôngôé édigaa gô mbôka yaô. Amapanzangana na gô tsenge diyekani. Avo amakea na gô Phénicie. Avo na gô Chypre. Avo dôta na gô Antioche. N’ahngô ameekéda Mane Mamavovo Nzambé te gôndé Ajuife n’aô atévo.

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 13:4

Gédidi SaNzambé gématôma Barnabas na Saul, na ahngô ahmakea na gô Séleucie. Gône ahmapeka gô mbôngô épôni gôébuéa na gô néngé ééndô mbe Chypre.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 22:21

Vane Kumu Jésus amoomba évovo n’ami mbe: Kiaka. Nagôtôma na gô dipo tungu yagôtongoni disibuéô na mbeego. Kiaka na gôndé mavo mongo masaba Ajuif.

Mayanzame 8:4

Ane amapanzaganani amakiaka gô tunguye yetso gôébeenda Tsangô Eamôsôba éaJésus-Christ.

I Corinthiens 12:28

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

I Corinthiens 15:10

Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Philippiens 2:21

Akasô muetso akebangana te mane manguene matévo, kaka mane maJésus‐Christ.

Philippiens 2:25

Namani évangana na Epaphrodite mbe anika te na gôndé anye. Amabaka n’ami gô ébadi émagenyuni. Amayanza n’ami mônongovo gamanyôngéô anye nômamôtômakani gô ndéône émadagéô me.

Philippiens 2:30

Gôébégô amavétsô n’owa gôétsuéa me éne émabuta me, ésiôngôé anye étsua. Amabaka mbe awa gô gésoo saJésus‐Christ.

Colosses 1:29

Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

1 Thessaloniciens 5:12

Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa.

II Thessaloniciens 3:1

Ana aTétee n’ami asi mbumu éaNzambé, vovoni na Nzambé gôndé we gômbe mabégô metso maKumu Jésus mangoomba étsanzabana gésikamé. Na mbe mangaditédu n’akanyô gamapanganye émaditéda v’ebandô.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

II Timothée 4:5

Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

Philémon 1:1

Oô te me Paul, nandé gô eba atsôgôô gô mabégô metso maJésus‐Christ. Wa na muana aTétee n’asô n’anyô agô mbumu éaNzambé, Timothée tôgôtendéa. Tôgôtendéa Philémon, ôndéké na vitoo n’asô gô éyanzee édué.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.