LUC TSANGO EAMOSOBA EMATENDA 1:78 - New Testament in Mitsogo

⁷⁸ Gôébégô Nzambéné éasô n’anyô andé na ngeba na mavôma. Ahngatanéda wa n’anyô gévede gévôni géviga g’ôba na gégono na kômbéne vatsiga yangô.

LUC TSANGO EAMOSOBA EMATENDA 1:78 ပူးပေါင်းရင်းမြစ်များ

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Philippiens 1:8

Amuene Nzambé te mbangine yami asabômu mbe me tsapata veenda me anye mbe me nanônyôngéô ti na vitoone éangudi éviga gôndé amuene Jésus‐Christ.

Philippiens 2:1

Nandé na nyivôye gôndé anye. Gôétsi anye Jésus‐Christ mitéma mianyô gémôtsumé paga ?nôôtéa na ngudi‐a¿ Etondoe éedi énôkasôgéda‐a? ?Nôndé na évamba na Gédidi SaNzambé‐a? ?Nôndé na vitoo na ngeba anyene n’anyene‐a?

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

II Pierre 1:19

T’ebandô we tôsatsuma paga gô mavovia maNzambé mamatsikéô we n’apandôédi ambeego amatasa maNzambé. Buedi gôndé anye gôévôtanganô mangô. Gôébégô mangô mandéké mônongovo ga dambi étana gô tungu éevitsi. Keneani mangô ngu na vangagiia nyee na vangatana mônangee ava magéô gô mitéma mianyô.

I Jean 3:17

Tôkanéga te gandé gékiti eena môkedi gô éne égômbéô angô na môtémedi ôseena angô ngeba. ?Gékitige géne nayee angeenda mbe môtémami ônyôngéô Nzambé?

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.