LUC TSANGO EAMOSOBA EMATENDA 1:76 - New Testament in Mitsogo

⁷⁶ N’ewe muanami, ôngatetu mbe môpandôédi amatasa maNzambé, ône aMôbô na Môbô ootéa muetso. N’ewe ôngoobégéa gô mbene aKumu éoo gômôbea nzéane.

LUC TSANGO EAMOSOBA EMATENDA 1:76 ပူးပေါင်းရင်းမြစ်များ

Matthieu 14:5

Hérode amanyôngéô éyôha Jean ivô amookô Ajuif gomo, gôébégô muetso amaditéda Jean mbe te môpandôédi amatasa maNzambé.

Matthieu 21:26

Okô tôvovo mbe te oma amatôma Jean ?ébégôe éngaba nayee? oma asanganyôngéô gôébégô muetso asibômuku mbe Jean te pidi môpandôédi amatasa maNzambé.

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Matthieu 3:3

Esaïe môpandôédi ambeego amatasa maNzambé amavovo mbe: Ogi amôma ôamugana gô tsenge émagasani mbe: Baani nzéa éaKumu Tsimamédani buedi nzéa yedi. Mômane amaamuganani te amuene Jean.

Marc 11:32

Okô tôvovo mbe te oma amatôma Jean ?ébégô éngaba nayee? (Ahmeena oma gomo gôébégô muetso asibômuku mbe Jean te pidi môpandôédi amatasa maNzambé.)

LUC TSANGO EAMOSOBA EMATENDA 1:32

Angaba môma môvôni. Angatetu mbe Muana ANzambé, Tétedi Kumu angudi yetso. Kumu Nzambé angamôdigéda n’okumaka wetso gandé kumu étômani, gamabaka David tétene yedi éav’ebandô.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

Jean 1:23

Vane Jean amanigôa ahngô mbe: Me te Ogi amôma ôamugana gô tsenge émagasani mbe: Baani nzéane éaKumu ébaka tsimatsima. (Amuene Esaïe, môpandôédi amatasa maNzambé amavovo te nane.)

Jean 1:27

Buéyé gooti me gô mbene edi, me te gétôkôtôkô, angô te môtsé. Gétôkôtôkô ôgoeye géote môtsé. Me tsaba pengo gétôkôtôkô, nandé gô tsina asangô.

Jean 3:28

Anyene nômookô gamavovo me nyoone mbe, me kaka Christ. Ivô namatômu gôéôta peegi gô mbene edi.

Mayanzame 16:17

Amaanda wa na Paul va ngima. Amaadôngana mbe: Amôgôô adua te ayanzie aNzambé Amôbô na Môbô, Kumu angudi yetso. Anôékéda mabégô magô nzéane ébuéda môma na gô géobogeo.