Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




LUC TSANGO EAMOSOBA EMATENDA 1:32 - New Testament in Mitsogo

32 Angaba môma môvôni. Angatetu mbe Muana ANzambé, Tétedi Kumu angudi yetso. Kumu Nzambé angamôdigéda n’okumaka wetso gandé kumu étômani, gamabaka David tétene yedi éav’ebandô.

အခန်းကိုကြည့်ပါ။ ကော်ပီ




LUC TSANGO EAMOSOBA EMATENDA 1:32
39 ပူးပေါင်းရင်းမြစ်များ  

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.


Gô nyaa amôtsundu môgetone, môtômi atsengene édôngu angasemba oma apitsi yedi na angatubéda ahngô misongosongo mbe: Me namatimôga gô tsenge éami éagôdagôda gôébuéa na gôndé Salomon gôéôkô éodo émabaka n’edi, géé ti anye nômabaka mbôkepo na môvo môékédi ootéa Salomon.


Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.


Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.


Jésus asibubué. Asisiié ta n’evo. Pene amoomba émôbambéa mbe: ?Ewe te Christ‐a? Nzambé, ône aneegeduni ?éwe te muanedi‐a?


Amavovo n’ogi agô ngongo mbe: ?Obé nayee n’ami, éwe Jésus Muana ANzambé ône amôbô na môbô? Nagôgondo ti na kokoo gô ina aNzambé, ôneetsa me tsôgôô.


Muanoo angaba môma môvôni va mbene aKumu Nzambé. Môsi g’ôba amamônigôa mbe: Muanee ône asanganyua maduku. Asanganyua ta na meba mavo meedangi. Angaba amayôa na Gédidi SaNzambé gô môtémedi bandôa g’ôbôtu edi.


Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.


N’ewe muanami, ôngatetu mbe môpandôédi amatasa maNzambé, ône aMôbô na Môbô ootéa muetso. N’ewe ôngoobégéa gô mbene aKumu éoo gômôbea nzéane.


Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.


Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.


Oma amamôsugéga mbe: Tômookô gô miganda mimatsikéô we mbe, Christ ône angatômu na Nzambé asangawa. ?Ewe voo ôénda mbe Muana Amôma angatômbu va gatse atsina n’oba nayee? ?Muana Amôma indaa?


We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô.


Amaanda wa na Paul va ngima. Amaadôngana mbe: Amôgôô adua te ayanzie aNzambé Amôbô na Môbô, Kumu angudi yetso. Anôékéda mabégô magô nzéane ébuéda môma na gô géobogeo.


David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.


Buedi mbe éongo éetso éaIsraël émenya ébégôe édué. Anye nômabôkéda Jésus gô gésumu sowa. Nzambé amakônza va mbeego mbe Jésus ôdôô angaba Kumu na Christ, ône amasevou na Nzambé.


Môpandôédi amatasa maNzambé amavovo mbe: Nzambé Amôbô na Môbô, ône asaba na gégoni asadigaa gô yeba disaa oma. Môpandôédi amoomba mbe:


Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.


Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ