LUC TSANGO EAMOSOBA EMATENDA 1:17 - New Testament in Mitsogo

¹⁷ Amuene angaba va mbene aNzambé gédidi gévo na ngudi dipo na Elie, môpandôédine ambeego amatasa maNzambé. Angavambéda téteye na anaô. Angakoa ane akékôani aka agobedi amane manyôngéô Nzambé. Angeekéda oma gôéba kuanakue ganyôngéô Kumu Nzambé.

LUC TSANGO EAMOSOBA EMATENDA 1:17 ပူးပေါင်းရင်းမြစ်များ

Matthieu 11:14

Nônatsuma me paga vavovo me mbe Jean ôdôô te Elie, ône amatôevédu mbe, Elie angaviga.

Matthieu 14:4

Gôébégô Jean amadékéda Hérode mbe: Môge gôndé éwe gôébaa Hérodiade.

Matthieu 3:3

Esaïe môpandôédi ambeego amatasa maNzambé amavovo mbe: Ogi amôma ôamugana gô tsenge émagasani mbe: Baani nzéa éaKumu Tsimamédani buedi nzéa yedi. Mômane amaamuganani te amuene Jean.

Matthieu 3:4

Jean amaata madego mamagomu na miyo mianyama étetu mbe chameau. Amaataka v’oninge édata éagégôbôkô. Amaaka te tônda na ômbo.

LUC TSANGO EAMOSOBA EMATENDA 1:16

Angatévéda ana aIsraël ayekani nzéane na gôndé Nzambé, Kumune éaô.

LUC TSANGO EAMOSOBA EMATENDA 1:76

N’ewe muanami, ôngatetu mbe môpandôédi amatasa maNzambé, ône aMôbô na Môbô ootéa muetso. N’ewe ôngoobégéa gô mbene aKumu éoo gômôbea nzéane.

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 1:34

Gôeni me nane, te ganôpandôéda me mbe ôdôô te Muana ANzambé.

Jean 3:28

Anyene nômookô gamavovo me nyoone mbe, me kaka Christ. Ivô namatômu gôéôta peegi gô mbene edi.

Mayanzame 10:33

Me tsidingé étôma oma gôéwanyéda éwe. Na éwe ôsikina éviga. Nôeni, we tôangôaa. Tôndé muetso va mbene aNzambé gôéôkô éne émabeendu éwe na Kumu gôénigôa we.

Romains 9:23

Amatubéda dôta ôkitie wetso ôndé g’ôndômbee wedi gôndé wa n’anyô tôgono n’epedee tôbônda ngeba yedi. Te wa n’anyô tômasevou n’edi gôédigaa n’edi vavo gô géneega sondômbedi.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

II Timothée 2:21

Okô môma agôgéda môtémedi gôéaagana na mabégô mabévani metso magôbeendi me angasevou gasevou gépedee sokumaka gôéyanza mane mavôni masoongôa muetso éyanza. Môma nône, gandé angô môtémedi ômagôgéani wetso gôndé kooko edi, eenanô n’edi mbe andé na tsoongo. Angamôyanzéa ésaôe éetso éamisôba éngatômu angô.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Jean 2:28

Te nane anami. Bakani na vitoo na Christ gômbe tôsangakotomo na tsoyi va mbene edi nyoo ôngavigangô mbe tôngaba tômayôa na gényônga.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.