Jude 1:25 - New Testament in Mitsogo

²⁵ Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.

Jude 1:25 ပူးပေါင်းရင်းမြစ်များ

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

LUC TSANGO EAMOSOBA EMATENDA 1:47

Môtémami ôyôa na gényônga gôébégô éaNzambé Mooboyi ami.

Jean 4:22

Anye Asamaritain, nôsamenya ône aneegedanye. We Ajuif tôsabômu ône aneegeda we gôébégô géobogeoge soma muetso géviga te gôndé Ajuif.

Jean 5:44

Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?

Romains 11:33

Me Paul nasôbasôbana gôébégô ôkitie ôndé na Nzambé ôndé ti ôvôni. Eodo éedi éôtéa émenya mabégô metso. ?One anganigôa matasa medi, indaa? ?One angamenya mane mavangangô indaa?

Romains 11:36

Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.

Romains 16:27

Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.

Ephésiens 1:8

Gô ngeba yedi yagékôdéé, atôétsa dôta ékena na éodo évôni gôémenya matasi medi.

Ephésiens 3:10

?Emasuégu gôndé? Emasuégu ngu na ndéô nedué te mbe ane atôma gô étungu éag’ôba atubédu éodo évôni éndé na Nzambé gôgésa angô Ajuif n’ane asaba Ajuif mbumu épo.

Ephésiens 3:21

Te mbe asi mbumu éaNzambé akumédé angô gô ina aJésus‐Christ môbô na môbô. Amen.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 2:3

Nôeni, éne ényôngéô Kumu asô n’anyô Nzambé te éangô éne.

Tite 2:10

Beenda avéga mbe: Nômbieesua ta na sôma gévo. Ivô éôtéa ényepa mbe atubéda kooko yaô mônongoe waô amôsôba na amavôma buta mbe meekédu maMooboyi asô n’anyô Nzambé makumédu.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Tite 3:4

Ivô Mooboyi asô n’anyô Nzambé amatsutsuéda ngeba yedi n’etondo éedi gôndé oma.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.