Jude 1:16 - New Testament in Mitsogo

¹⁶ Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Jude 1:16 ပူးပေါင်းရင်းမြစ်များ

LUC TSANGO EAMOSOBA EMATENDA 15:2

Apharisien, n’anigôi amige miaNzambé ahmagiangana mbe: Mômôgôô nône asinga oma abévani ahviga na gôndé angô. Aa môyakô vavo n’ane abévani.

LUC TSANGO EAMOSOBA EMATENDA 19:7

Muetso ane ameena ébégôe amagiangana mbe: ?Jésus akea akedigaa gô eba amômane môbévani ône nayee?

LUC TSANGO EAMOSOBA EMATENDA 5:30

Apharisien na géômbé sanigôi amige miaNzambé asinyôngéô gômeenahngô Jésus aa na omee ane vavo. Ameevôa aneengie aJésus mbe: ?Anye nôaa na nônyua vavo n’abongi adepu na oma amookanô mbe, abévani, nayee?

Jean 6:41

Ajuif amakambôga gômeenda Jésus mbe: Me te môpemba ômaviga g’ôba.

Jean 6:61

Jésus asibômu mbe aneengie akea agiangana gô mane mamavovo angô. Na ameevôa ahngô mbe: ?Nôdagéyiô mane mavovi me-a?

I Corinthiens 10:10

Nômbiavovo na Nzambé na tsévi gameenda avo va gatse aô na ahmayôu na môyanzi aNzambé, môsi g’ôba amaviga n’owa.

Galatie 5:16

Neendidô mbe digaani gatômu anye na Gédidi SaNzambé gômbe nôsangagobeda manyima mabévani mamôtéma gamabôtu angô.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Philippiens 2:14

Indakani metso mane gébé na mikebanganô na gétsumané paga.

1 Thessaloniciens 4:5

Abaké gésingé ôtô edi ôtômu na manyima mabévani gatômu ane asavamba na Nzambé.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

II Pierre 3:3

Pangani émenya mbe gô pitsi yamôyusumédu gôngaba asi ékeengi na deti éaô. Angadigaa gô manyima maô mabévani. Asi ékeengi ahngavovo n’anye mbe:

Jude 1:15

Angaviga gôétsundéda oma muetso. Angaviga gôésiséda muetso eenza angô gô mayanza maô mabévani mamakékôéa ahngô Nzambé na gô mavovia maô madiboe mamavovo eenzie gôébuanya Nzambé.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.