Jude 1:12 - New Testament in Mitsogo

¹² Vadigaahngô n’anyô gôéaa môambô ôaa asi mbumu éaNzambé andé gôéenza môambôe wanyô na mônongoe waô agéyuka gébévani. Aseena tsoyi gô mônongoe waô. Aaka gô môambô n’onzôô ôvôni. Ahndé ga dibôngé ditsuaô n’opunga, disanyogeda mbuua. Ahgono na éétété éamiônda ésabôtani. Buéyé gô ndéône ébôta miônda, éndé te yabi ditévo. Andé ga éétété émayuuni. Mitamba miaô misaba gô toto. Eététée éwa.

Jude 1:12 ပူးပေါင်းရင်းမြစ်များ

Matthieu 13:6

Ivô vamatsiga ômandee, mibeendimie mimasinégéa. Gôsitibéké totone, ngangiye gébé na meba, mibeendimie mimawa.

Matthieu 15:13

Jésus amaabéa ahngô mbe: Géétété setso gésigaabô na Téta ône andé g’ôba, géngayuu.

Marc 4:6

Ivô vamatsiga ômandee, mibeendimie mimasinégéa. Gôsitibéké totone, ngangiye gébé na meba, mibeendimie mimawa.

LUC TSANGO EAMOSOBA EMATENDA 12:45

Ivô ôkô kote atasi gô môtémedi mbe: Môtômine wami adinga éviga. N’angô abandôa égenya n’ayanzi n’edi. Aaka na anyuaka na adanga.

LUC TSANGO EAMOSOBA EMATENDA 16:19

Vamaba gékiti. Amaataka maduani mokumaka. Minya mietso amaaka te ga sueti. Asibuté ta na sôma.

LUC TSANGO EAMOSOBA EMATENDA 21:34

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

LUC TSANGO EAMOSOBA EMATENDA 8:6

Mivo mimaaga va tungu éamataé. Vamaba miangô mimabandôa éhgeenya mimasinégéa gôsibaké totone na meba.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Philippiens 3:19

Ekôdéô éaô te gébunganéô. Saô gémba te aakagane. Anyemôga gôékuméda mabégô mayanzangô matsoyi. Matasa maô metso te gô mane matsengene.

I Timothée 5:6

Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Jacques 5:5

Nômadinga va tsina, te na éetso éôngôa môma édiia. Te na môgangu atsengene. Anye nôndé mônongovo ga nyama éebôngôu na kumu ayangô mbe évunda na angamiyôha. Te mônongovo gandé anye nôayeeséda anyene gô mane manyima mitéma mianyô ngu na nyee ôwa.