Jude 1:1 - New Testament in Mitsogo

¹ O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Jude 1:1 ပူးပေါင်းရင်းမြစ်များ

Matthieu 10:3

Avo te Philippe na Barthélemy na Thomas na Matthieu môbongi adepu. Avo dôta te Jacques muanee aAlphée na Thaddée.

Matthieu 13:55

?Odôô kaka muana amôyanzine atimbema? ?Yeedi, kaka Marie‐a? ?Ka te mônône aJacques, na Joseph, na Simon na Jude?

Marc 3:18

Avo mina maô te André, Philippe, Barthélemy, Matthieu, Thomas, Jacques muana aAlphée, Thaddée, Simon amoogu mbe Zélote, te ône amabaka gétômbiatômbia gô mabégô matsenge.

Marc 6:3

?Nôsamenya angô‐a? Oô ka te môyanzine atimbe muana aMarie. ?Kaka mônône aJacques na Joses na Jude na Simon? ?Kadi yedi kaka ane andé na wa n’anyô mbôkepo‐a? Matasa mema mamawéa Jésus ngusu na oma amamôtsuma paga.

LUC TSANGO EAMOSOBA EMATENDA 6:16

Na Judas dibaé. Epo te muana aJacques. Na épo te Judas Iscariote, ône amakoga môkabi aJésus.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 14:22

Môneengi môvo inedi Jude, (kaka Judas Iscariote) ameevôa Jésus mbe: ?Kumu ékegea nayee? éne évovi éwe mbe: Nangatsutsuga te vandé anye, kaka vandé asi tsengene.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 17:15

Me nagôduka mbe, kenea angô andé amasetu na ône môbévani.

Jean 17:17

Aaganéda ahngô na mane matsengene mbe avamba n’ewe gô ngudi yamane mapie. Etsinee ametso mapie te ôgie woo.

Jean 17:19

Me naadeekeda memuene na gôndé éwe, te gôndé ahngô, gômbe ahngô dôta angaadeekeda anguene na gôndé éwe, Kumu amabégô mapie.

Jean 6:39

Oôkôni éne ényôngéô ône amatôma me. Asanyôngéô mbe me nadimbanédana ta na môvo va gatse ane ameetsangô me. Anyôngéô mbe gô nyee amôyusumédu me nangakundua omami muetso g’ôwa.

Mayanzame 1:13

Gô Jérusalem ameengéa muetso gô tsongo ébakangô kuka yetso gô môgényé agô ngongo. Ane ameengéani te Pierre na Jean na Jacques na André na Philippe na Thomas, na Barthélemy na Matthieu, na Jacques muana aAlphée. Gômeengéa dôta na Simon, ône amabaka gétômbiatômbia gô mabégô matsengene, na Jude muana aJacques.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 27:23

Menyani mbe Nzambé, kumu ami amonyo, ône ayanzéa me amavigédéa me môsi g’ôba na pitsi.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 1:6

Anye dôta asi môsenge aRome nôndé g’ôkabôé ane aweseda me na gôndé Nzambé. Nzambé amanôbambéa gôéba môvo na Jésus-Christ.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 4:18

Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.