Jean 9:30 - New Testament in Mitsogo

³⁰ Mômôgôône adôngédiôni amavovo na Apharisien mbe: Endé te nane. Nôeni éne étsapanéôni te éangô éne. Buéyé gasamenyanye gôvigangô, te angô adôngédi me misome.

Jean 9:30 ပူးပေါင်းရင်းမြစ်များ

Matthieu 11:5

Nigôani angô geeni anye mbe asi pogu eena, na ékonzo akea na makôdô manguene, n’asi ébeea éagega adôngi, na asi ndiba ookô, na ane awakini akundugi, na misuga miikédu Tsangô Eamôsôba.

Matthieu 21:42

Jésus ameevôa ahngô mbe: Anye madeo nôsitanga gô Matendeo MaNzambé mbe: Etaé émakôngégu n’asaayi eba Te éangô évumbu v’epandaka gôésipa ébee wetso. Nôeni éne te éne émayanza Kumu. Na veena we nane, tôtsôkéa.

Marc 6:6

Jésus amasôbasôbana mbe: ?Omeaa agétsumaka me paga nane nayee? Vane Jésus amakea éékéda gô dipo mbôka yagô kôbangô.

LUC TSANGO EAMOSOBA EMATENDA 7:22

Jésus amaabéa ane amakudéguku na Jean mbe: Nikani na gôndé Jean. Nôkenigôa mane mookiô anye na mane meeni anye. Nigôéni angô geeni anye mbe asi pogu eena, na ékonzo akea na makôdô manguene, na asi ébeea éagega adôngi na asi ndiba ookô, na ane awakini akundugi, na misuga miikédu Tsangô Eamôsôba.

Jean 12:37

Buéyé gameenda Jésus mabégô mayekani mamisôba mangudi yaNzambé mamatsapéô oma, ahngô asimookéô.

Jean 3:10

Jésus amaabéa angô mbe: ?Ewe te môékédi môvôni aIsraël n’ewe ôsamenya mabégô mema?

Jean 9:29

We tôsabômu mbe Nzambé amavovo na Moïse, géé mômôgôô nône gômatimôgangô tôsamenya.

Jean 9:31

We tôsabômu mbe Nzambé asookô môduké amôma môbévani. Oôkô te ône amôgobedani na eenda mane manyôngéô amuene Nzambé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.