Jean 8:54 - New Testament in Mitsogo

⁵⁴ Jésus amasiia mbe: Mbe naakuméda memuene, kumane éami mbe ésaba na tsoongo. Me nakumédu te na Téta, ône eendanye mbe, Nzambé éasô.

Jean 8:54 ပူးပေါင်းရင်းမြစ်များ

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 2:11

Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Jean 5:41

Me tsabuta kumane ékuméda oma.

Jean 7:18

Jésus angô mbe: One avovo gô ényangee éedi amuene abuta ékumédu. Ivô ône ayanza mbe môtômine wedi akumédu asangapata. Na mane medi metso te mapie matévo.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Jean 8:41

Anye nôénda gameenda tétee yanyô. Ajuif amasiia mbe: ?Ewe ômenya mbe we te ana amabôtu gô gésundi-a? We kaka ane amabôtu gô gésundi. Tôsaba na tétee diyekani. Tétene éasô te amuene Nzambé.

Jean 8:50

Me tsabuta éakuméda memuene. Gôndéké muene angakuméda me, angô te môtsundédine amabégô metso.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

II Corinthiens 10:18

Endé te nane. Okô môma asénga amuene, ôséngue ône ôsaba na tsoongo. Oséngue ôndé na tsoongo te ône ôséngu môma na Kumu Nzambé.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

II Pierre 1:17

We tômabaka vangô vameetsô angô na Téta Nzambé ôbébayi ôtubéda ôkumaka aNzambé. Tômadenganô vamookanô ôgi aKumu ondômba wetso ômavovo mbe: Odôô te Muanami amôtôma amiso. Namônyôngéô na nzoo na gô môtéma.