Jean 8:47 - New Testament in Mitsogo

⁴⁷ One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.

Jean 8:47 ပူးပေါင်းရင်းမြစ်များ

Jean 12:48

One akékôa me na mavovia mami, te mangô mangamôesédani. Meekédume mami mangeetsa môma ôési gô nyaa amôyusumédi.

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 5:25

Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.

Jean 6:65

Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.

Jean 8:37

Me tsabômu mbe anye te ana aAbraham. Ivô anye nôbuta éyôha me te gasasinganye mane meekéda me.

Jean 8:43

?Anye nôsanigôgéô mane manigôa me anye nayee? Anye nôébakanédu kabaga nômookô.

Jean 8:45

Géé me navovo te mane mapie maNzambé, t’ebandô anye nôsookô na nôtsuma me paga.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.