Jean 8:34 - New Testament in Mitsogo

³⁴ Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô.

Jean 8:34 ပူးပေါင်းရင်းမြစ်များ

Matthieu 5:18

Me nanôbeenda na gô pie mbe ta na vibénda vivo viaMatendeo MaNzambé vingabusuni ngu na vangamangôa viangô éyanzee éedi, buétsé te tsina n’oba épanga éôta.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Mayanzame 8:23

Me neena na vede ébégôe éndé n’ewe Simon. Gabôta géétété gébévani gébôta miônda miedi miandôé, te ga môtémoo ôbôta miônda miedi miandôé. Na éwe madeo ôsinzeegeda n’ebévee. T’ebandô ôgébaka gô tsôgôô éamabégô mabévani.

Romains 6:12

Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 6:6

Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.

Romains 7:14

Tôsabômu mbe mige miaNzambé misapengana na minyepa. Ebévee éndé na me, môma ava tsina. Namabôtu môvéga amabégô mabévani.

Romains 7:25

Tôkumédékéni Nzambé gô ina aKumu asô n’anyô Jésus-Christ. Buéyé mbe g’ôtô ami amôma nandé gô tsina otômu amane mabévani, ivô gô môtémami nandé gô tsina otômu aNzambé.

Romains 8:21

Tsinane éténdéda mbe ngudiye dibévani disangabadô n’otômu gôébunganéda, na gôébooeda éôma émakanôni. Vangakusédu tsinane g’ôvégee ôndé yangô, éngeetsô ôndômba ôvo n’ana aNzambé gô ngudi yedi.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

II Pierre 2:19

Eekédi adiboe ahbeenda oma mbe: Nônganzeegedu. Tambô, anguene andé g’ôvéga esima ébévani éebunganani. Gôébégô môma na môma andé môvéga ene étôma g’ôtô edi.