Jean 8:32 - New Testament in Mitsogo

³² Vane nôngeekaganô na mane mapie, na te mangô mangooboo anye g’ôvéga ôdigaanye.

Jean 8:32 ပူးပေါင်းရင်းမြစ်များ

Matthieu 11:29

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:17

Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 16:13

Vangaviga Môwedi, angô te Gédidi gépandôéda mabégô mapie, géngatévéda anye gô mabégô metso mapie manzéane éaNzambé. Gésangavovo g’ogi edi, ivô géngabeenda anye metso mookô sangô. Génganôkeneda gô mabégô mangabuéani.

Jean 17:17

Aaganéda ahngô na mane matsengene mbe avamba n’ewe gô ngudi yamane mapie. Etsinee ametso mapie te ôgie woo.

Jean 6:45

Apandôédi amatasa maNzambé amatenda mbe: Muetso angeekédu mabégôme te n’amuene Nzambé. T’ebandô neendi mbe muetso ane ookiô ôgi a Téta na asinga meekédume medi asingi te me na awesea na gôndé me.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Jean 8:36

Okô Jésus Muana ANzambé anôoboo g’ôvéga, nôndé nômakusédu na gô pie.

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 8:15

Gédidi gémeetsô wa n’anyô na Nzambé gésatônikéda gôéba avéga atômu na gomo. Ivô Gédidige géne gétôbôta ana aNzambé. Gôndé we gô mbumu éedi, Gédidi sedi gétôwedéa gôémôneegeda mbe: Téta, Téta.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

I Corinthiens 7:22

Endé te nane. Môvéga amabambéô na Kumu Jésus gôékea n’edi nzéepo, aka môma amanzeegeduni na monyo edi te gôndé Kumu edi Jésus. Mônongovo dôta ône asibaké môvéga amabambéô na Kumu Jésus aka te môvéga akôô aKumu edi Jésus.

Galatie 5:1

Wa n’anyo tosaba g’ovega. Christ amatooboo. Tambô tôdigékéni g’ôkumu. Wemani kabaga nônikea ébongu g’ôvéga.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

II Timothée 3:7

Agetoe ane ookô meekédume moma muetso génigôgéô ta na ébégô évo na géôngôé émenya mane mapandôéda we mapie gandéké Nzambé.

Jacques 1:25

Ivô ône abono gô mige na mitôma na ndongi yetsimama, te ndongi dikuséda môma g’ôvéga, abono na nzôô, atôneegeda éangô na andé na môvinéné asangeeba mane mookiô angô. N’angô eenda metso mookiô angô angeetsô na Nzambé mate gô môdigéôe wedi.

Jacques 2:12

Vovoni na indani nôndé oma atsundédu gô ngeba gôétsimamédu.

I Pierre 2:16

Anye nômoobouni digaani ga oma amoobogoni. Nômbianika ékatangana v’esooe gô ésima émabakanye ébévani. Ivô bakani avéga akôô ayanzi aNzambé.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.