Jean 8:31 - New Testament in Mitsogo

³¹ Vane Jésus amavovo na Ajuif, ane amamôétsa mitémamie mbe: Okô nôgobedi meekédume mami gédundé gébé na buétsé, anye nôngaba aneengi ami apie.

Jean 8:31 ပူးပေါင်းရင်းမြစ်များ

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Jean 1:47

Vameena Jésus Nathanaël aviga ga vane gôéwanya na Jésus, amavovo mbe: Ii, ôdôô te môsi éongo éaIsraël apie. Asaba na mangônzô.

Jean 2:2

Jésus n’aneengi edi amabambéô gôédenganô gô yômbaye dine.

Jean 6:55

Menyani mbe ôtôe wami te môyakô ômana nzaa. Na nzina yami te meba mamana sôé.

Jean 8:36

Okô Jésus Muana ANzambé anôoboo g’ôvéga, nôndé nômakusédu na gô pie.

Mayanzame 13:43

Vamakusa oma gô eba agéwanyéô, Ajuif ayekani n’avo ane ameengédu gô gésôga sAjuif, amaanda Paul na Barnabas. Ahngô abaé amavovo n’omee ane mbe: Sipani gô mabégô mema. Itsani mitéma mianyô mietso gô mane mookô anye metondo éaNzambé.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 26:22

Ivô Nzambé amakenea me na ameebakanéda me ngu na deo noo. T’ebandô ôena me éva, na ôôkô me nandé gôénigôa ane ageage n’ane avôni éne émayanza Nzambé gôndé me. Me tsavovo mabégô mayekani. Mane mavovo me te mane mamanigôa Moïse na apandôédi amatasa naNzambé va mbeego mbe éngaba te nane.

Romains 11:22

Tasani gatubéda Nzambé wa n’anyô ngeba yedi na ôpisedi. Andé n’opisa gôndé ane amakubani. Andé na ngeba gondé anye nômôgobeda n’etondo. Digaani gô ngeba yedi kabaga anye nôkeedu gakeedu mitabémie.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

I Timothée 2:15

Buéyé mbe nane, môgeto angoobou gômenyangô ébôta ana na gômenyangô édigaa môtémedi wetso gôndé Nzambé gémôtsumé paga. Adigaa na étondo na môdigédi ômagôgéani gébé na nyemo.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

II Timothée 3:14

Géé éwe Timothée, sipéda môtémoo gô mane mameeka éwe masatsumewe paga. Osabômu mônongoe amôékédine woo.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 8:9

Evambee éamôbaé ésangaba ga éne émavamba me na peeye yaô Gô ndéône ématsôpa me ahngô g’ôgogo gôékuséda ahngô gô tsenge éEgypte. Ahngô amapanza évambee éne émavamba me n’ahngô. T’ebandô, me Kumu aô namanzeegeda ahngô.

Jacques 1:25

Ivô ône abono gô mige na mitôma na ndongi yetsimama, te ndongi dikuséda môma g’ôvéga, abono na nzôô, atôneegeda éangô na andé na môvinéné asangeeba mane mookiô angô. N’angô eenda metso mookiô angô angeetsô na Nzambé mate gô môdigéôe wedi.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.

I Jean 2:24

T’ebandô bakani ne gékenéa gô mitéma mianyô gô meekédume mamapanga mamookô anye v’ebandô. Okô mbe mane mamookô anye mbeego mandéké gô mitéma mianyô tambô anye nôndéké môvo na Muana na Téta.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.