Jean 8:19 - New Testament in Mitsogo

¹⁹ Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.

Jean 8:19 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

Jean 1:10

Ogi ômabaka gô tsina, Nzambé amakana tsinane te gô ngudi yOgie, ivô asi tsinane asiôkéô aangô ta na pesu.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 15:21

Metso mangeenda oma anye, anôénda mangô gôébégô nôndé omami. Gôébégô ahngô asamenya éneegeda ône amatôma me.

Jean 16:3

Angeenda nane, te gôsamenyahngô me na gôsamenyahngô Téta.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 7:28

Vane Jésus ameekéda gô eba aNzambé. Amookanô na muetso ameevôa oma mbe: ?Anye nôsabômu me-a? ?Nômenya gôviga me-a? Tambô, tsiviga gô ényangee éamemuene. Me natômiô te tômugu. Na ône amatôma me te Kumu amabégô metso mapie. Anye nôsamômenya.

I Corinthiens 15:34

Anye tsikani diyunga yasagô ganôsaba na mitéma. Tsikani matasa mabévani. Nanôbeenda mbe avo va gatse anyô nôsamenya Nzambé ta na pesu. Te tsoyi épôni gôndé wa n’anyô.

Galatie 4:9

Ivô ndéô nedué anye nôsabômu Nzambé. Béyé nane, éne éôtéa évôni te mbe ndéô nedué Nzambé asabômu anye. ?Ndéô nedué nôngoongôa énikéa égobeda ésôgee ébévani ésaba na ngudi nayee¿ Nônganika éengéa gôéba avéga nayee?

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

I Jean 2:23

Ekegea te nane. One akina Muana ANzambé Jésus, akina dôta na Téta Nzambé. One asinga Muana asinga na Téta.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.