Jean 7:39 - New Testament in Mitsogo

³⁹ Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Jean 7:39 ပူးပေါင်းရင်းမြစ်များ

Matthieu 16:14

Amamôaabéa mbe: Avo ahmenya mbe éwe te Jean‐Baptiste. Avo dôta ahmenya mbe éwe te Elie. N’avo ahmenya mbe éwe te môvo va gatse apandôédi amatasa maNzambé gandé Jérémie.

Matthieu 21:11

Avo amaabéa akaô mbe: One te môsi Nazareth, inedi Jésus. Angô te môpandôédi amatasa maNzambé.

LUC TSANGO EAMOSOBA EMATENDA 24:49

Memuene nanganôkudégéa muene môwedi, ône amavanga Nzambé gôénôétsa géenza. Anye nômbianôtôga gô môsenge ôdôô buétsé te ngudi yone andé g’ôba dipanga ésutuméa na gôndé anye.

LUC TSANGO EAMOSOBA EMATENDA 3:16

Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.

LUC TSANGO EAMOSOBA EMATENDA 7:16

Muetso amatsôpu na gomo. Amakuméda Nzambé mbe: Oô mônongo amôpandôédi amatasa maNzambé amatsutsuga na gôndé we. Na avo dôta mbe: Bononi gavigi Nzambé gôéwedéa omedi.

Jean 1:21

Vane ane amakudéguni amamôévôa mbe: ?Ewe vo ndaa? ?Te Elie-a? Jean amatôna mbe: Aé, me kaka Elie. Ahngô mbe: ?Ewe te môpandôédi amatasa maNzambé-a? Jean angô mbe: Aé, kaka me.

Jean 1:25

Ahmamôtsundéda mbe: Ewe ôéndi mbe: Me kaka Christ. Me kaka Elie. Me kaka môpandôédi amatasa maNzambé. ?Ivô éwe ôétsa oma bateme nayee?

Jean 12:16

Aneengi aJésus amatsapéô gôsinigôgéô ahngô mane mamabuéani. Ivô gô ndéône émanika Jésus na g’ôba, ahmabangôa éne émanigôa Matendeo MaNambé gôndé Jésus na amabangôa dôta na éne émeendéa ahngô Jésus nyoone.

Jean 12:23

Jésus amasupua ahngô mbe: Ndéône ébuéyi gôndé me Muana Amôma gôéétsô ôkumakee wetso.

Jean 14:13

Ene édukanye me gôéénda, me nangeenda gômbe Téta angakumédu gô ina aMuanedi.

Jean 14:26

Môwedine wanyô te Gédidi SaNzambé, géngatôméô anye na Téta géngaviagana me. Génganôéékéda na génganôbangôéda metso mameekéda me anye.

Jean 16:14

Génganeegeda me gôngabongo sangô mabégô gô mane mami gôénôbeenda mangô.

Jean 16:7

Me nanônigôa ébégô éapie édué. Bangôani éangô. Gébatéô sami na g’ôba te ébégô éamôsôba gôndé anye. Okô tsibata, Môwedi mbe asangaviga na gôndé anye. Okô vakea me, nanganôkudégéa Môwedi.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 20:22

N’emana évovo nane, Jésus amavumbéa modie wedi na gôndé ahngô. Angô mbe: Diiani Gédidi SaNzambé.

Jean 6:14

Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini.

Jean 7:12

Oma muetso amoonguma anguene gô mane mameenda Jésus. Avo, ahngô mbe: Mômôgôô nône ayanza ti mamisôba. Avo dôta mbe: Aé, kaka nane. Abôméda oma ti bôméda.

Jean 8:54

Jésus amasiia mbe: Mbe naakuméda memuene, kumane éami mbe ésaba na tsoongo. Me nakumédu te na Téta, ône eendanye mbe, Nzambé éasô.

Mayanzame 19:2

Gômeetsanye Jésus mitéma mianyô gémôtsumé paga ?Gédidi SaNzambé gémeengéa na gôndé anye-a? Aneengie amavovo n’edi mbe: We madeo tôsiôkô ta na tsangô mbe gôndéké Gédidi SaNzambé.

Mayanzame 2:17

Nzambé amavovo mbe: Oôkôni éne éngabuéa gô ndéône éamôyusumédu. Me Nzambé nangatsanzabanéda Gédidige sami na gôndé oma muetso. Anee wanyô amôgôô na anee wanyô ageto angapandôéda matasa mami. Minzambu mianyô na tômbô yanyô angeena ndoti. Peeye yanyô yebôôtô dingeena miôtô.

Mayanzame 2:33

Jésus amadigédu gô géeyo gémôgôô SaNzambé. Gôndé Tétedi amadiia Gédidi SaNzambé géne gémamemeoko angô na Nzambé. Jésus amatsanzabanéda sangô na gôndé wa n’anyô mônongoe ôenanye na mônongoe ôôkô anye sangô deo noo.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 2:4

Gédidi SaNzambé gémeengéa gô mitéma miaô na gémamiyuéséda na ngii. Omeaa amabandôa évovo yaanga yôgi disiikédu ahngô. Amavovo gamatévédu ahngô na Gédidi SaNzambé gôévovo.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 4:31

Vamamanahngô évovo na Nzambé, tungune émabakahngô ématatéa. Gédidi SaNzambé gémeengéa gôéyuéséda mitéma miaô mietso. Ahmeekédaka na bôkédé ôvôni mane mamavovo Nzambé.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

II Corinthiens 3:8

tambô asani ga ootéa ôbébayi na ôndômba ôviga na Gédidi SaNzambé vatôma sangô.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.