Jean 7:31 - New Testament in Mitsogo

³¹ Va gatse omee ane, gômabaka ayekani amamôétsa mitémamie gébé na paga. Ahngô mbe: Vangaviga Christ, ône angatômu na Nzambé ?émbégéa éangudi yaNzambé éngatubédangô éngootéa éyéka na éne étubéda mômôgôô noo-a? Esangootéa éyeka. Gôsaba muene angavigani.

Jean 7:31 ပူးပေါင်းရင်းမြစ်များ

Matthieu 12:23

Géômbége setso gémasôbasôbana na gémeevôana anguene mbe: ?Odôô ka te Muana aDavid‐ma?

LUC TSANGO EAMOSOBA EMATENDA 8:13

Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

Jean 11:45

Gô géômbé sAjuif gémaviga gôémôgeda Marie, ayekani ameena éné émeenda Jésus. Amamôétsa mitéma miaô.

Jean 12:11

Ahmeenda nane gôébégô Ajuif ayekani amanôtôga vandé tsesuye yaô na ameetsa Jésus mitéma miaô gôébégô éaLazare.

Jean 12:42

Buéyé nane, peeye yAjuif ayekani asitsumé Jésus paga. Ivô asiôngôé émema mbe: Tôsatsuma Jésus paga, kabaga apatsô na Apharisien gô eba agéwanyéô.

Jean 2:11

Géne te gémbégéage samapanga gématubéda Jésus oma ondômbedi. Amayanza ébégôé évôni éne ématsapéô oma na ésiôngôé môma ésupua te gô mbôkane ééndô mbe Cana gô tsenge éaGalilée. Aneengi edi asitsumédô ôtômue wedi paga.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 4:29

Vigani, nôviena mômane adengi me. Amapandôéda me metso meenda me. Mavooe te ône avéngéôni, ône eendô mbe Christ.

Jean 4:39

Asamaritain ayekani, asi mbôkepo na môgeto nône, ameetsa Jésus mitéma miaô. Asitsumé Jésus paga gôébégô môgetone ameenda mbe: Môma nône apandôédi metso meenda me.

Jean 6:2

Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie.

Jean 7:26

Bonokoni geekédangô va pingô oma. N’angô atsikô gémôanza. Mavooe peeye yasô asabômu mbe ôdôô te ône eendô mbe Christ amatômu na Nzambé.

Jean 9:16

Avo Apharisien amavovo mbe: One amayanzéa éwe ébégôe éne, ka asiviga gôndé Nzambé. Mbe amatômuku na Nzambé angô mbe asikékôa môge anyee edunda. Avo dôta amavovo mbe: ?Angô mbe môma môbévani angoongôa éénda ébégô ényônganéôni esôbasôbana we nayee? Apharisien amasaganédana anguene te gô ébégôe éne.

Mayanzame 8:13

Na amuene Simon ameetsa Jésus môtémedi gôémôsinga na amadiia bateme. Asiaagané na Philippe. Na amagogo ésôbasôbana gômeena angô mane mamisôba mamayanza Philippe masoongôa môma ésupua, te émbégéa éangudi yaNzambé.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.