Jean 7:28 - New Testament in Mitsogo

²⁸ Vane Jésus ameekéda gô eba aNzambé. Amookanô na muetso ameevôa oma mbe: ?Anye nôsabômu me-a? ?Nômenya gôviga me-a? Tambô, tsiviga gô ényangee éamemuene. Me natômiô te tômugu. Na ône amatôma me te Kumu amabégô metso mapie. Anye nôsamômenya.

Jean 7:28 ပူးပေါင်းရင်းမြစ်များ

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Matthieu 2:23

Amadigaa wangô gô mbôka étetu mbe Nazareth. Va mbeego môpandôédi amatasa maNzambé amabeenda mbe: Angatetuku mbe môsi Nazareth.

Matthieu 26:55

Jésus amavovo na géômbége mbe: Anye nôviga gôétsôpa me na mabaga na péndé. ?Nômenya mbe me môsi môkôbé‐a? pitsi yetso namabaka n’anyô gô eba aNzambé gôéékéda anye, n’anye nôsitsôpé me. Tambô me, kaka môsi môkôbé.

LUC TSANGO EAMOSOBA EMATENDA 10:22

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.

LUC TSANGO EAMOSOBA EMATENDA 2:11

Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.

LUC TSANGO EAMOSOBA EMATENDA 2:39

Joseph na Marie amadugéda mitôma miaKumu Nzambé gôndé muanee. Na vane amanika na Jésus na gô mbôkane yaô éaNazareth gô tsenge étetu mbe Galilée.

LUC TSANGO EAMOSOBA EMATENDA 2:4

Joseph amatimôga gô môsenge ôtetu mbe Nazareth, ôndé gô tsenge éaGalilée, gôékea na gô môsenge aDavid ôtetu mbe Bethléhem, ôndé gô Judée. Gôébégô angô amabaka môsi ébôta éaDavid.

LUC TSANGO EAMOSOBA EMATENDA 2:51

Vane Jésus amanika n’ahngô na gô Nazareth. Amagobeda tétedi na yeedi. Yeedi Marie amakenea mabégôme mane gô môtémedi na amamatanganéda.

Jean 1:46

Nathanaël amatsuma paga mbe: Ti gô vimbôkavie viaNazareth vine. ?Gôngeenanô ébégô éamôsôba-a? Philippe amamôénda mbe: Viga, ôviena.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 12:49

Menyani mbe me tsavovo gô ényangee éamemuene. Te Téta, ône amatôma me ameetsa me mabégôme mavovo me na meekéda me anye.

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 14:31

Eébéyée nane, buedi mbe asi tsinane muetso eena ganyôngéô me Téta gôgobeda me éne ématômu me na Téta. Timôgani. Tônôtôgéni éva.

Jean 16:3

Angeenda nane, te gôsamenyahngô me na gôsamenyahngô Téta.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 3:33

One amasinga ômbanzedi asabômu mbe Nzambé te kumu amabégô mapie na asoongôa épatani.

Jean 5:32

One anigôa mane mami te muene na me tsabômu mbe angô asapata.

Jean 5:43

Me namaviga gô ina a Téta, n’anye nôsanyôngéô ésinga me. Géé gôndé muene aviga gô inedi amuene, anye nômôsinga.

Jean 6:42

Ajuif amatsumana anguene paga n’opisa mbe: ?Angô eenda mbe: Me te môpemba ômaviga g’ôba nayee? ?Jésus, ône avovoni ôdôô kaka te muanee aJoseph? We tôsabômu yeedi na tétedi.

Jean 7:14

Va gatse asuetine Jésus amatsiga gô eba aNzambé gôéékéda.

Jean 8:14

Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya.

Jean 8:16

Eébéyée nane, ôkô me neesédi môma, géesédéôge sami géeséda me gésapengana gôébégô me tsavovo gô ngudi yamemuene. Téta, ône amatôma me andéké n’ami.

Jean 8:19

Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.

Jean 8:26

Gôndé anye, gôndéké mabégô mayekani moongôa me éévéda anye na éeséda anye. Ivô tsangeenda gôébégô navovo te mane meetsiô me na ône amatôma me, angô Kumu amabégô mapie asapatani.

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

Jean 9:29

We tôsabômu mbe Nzambé amavovo na Moïse, géé mômôgôô nône gômatimôgangô tôsamenya.

Mayanzame 17:23

Buéyé n’atsatsee vaseti me môsengee wanyô gôébono mane mamapakanye na mogo manyô maneegedanye, neeni gévumbéô sogondoku. Gô sangô gômatendu mbe: Ene édeekedu éva éétsô na gôndé Nzambé ésamenyanganôni. Tambô éndé te nane. Nzambéne éneengedanye gémômenye, me navigi gôénômenyeda éangô.

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 3:4

Aé. Ogie ôsangakoga. Ondé te ôbéôbéô. Nzambé asakoga. Ayanza te gô mônongoe wedi agépenganédé, buéyé mbe wa n’anyô oma muetso tôbaké asi oboe. Te gatôbeendu gô Matendeo MaNzambé mbe: Buedi mbe ôdenganô gébé n’oboe gô éne évovo éwe. Buedi mbe ôétso mitayi vangatsundédu éwe.

II Corinthiens 1:18

Gandé amuene Nzambé asoongôa évétsua divanga yedi na me tsoongôa énôpatéda éne émavovo me n’anye mbe nasinga. Menyani mbe tsikina.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.