Jean 7:19 - New Testament in Mitsogo

¹⁹ Nômatsikéô na Moïse ndongi na mitôma na mige miaNzambé ?kaka nane-a? Ivô gôndé anye, ta na môvo agobeda miangô. ?Anye nônyôngéô éyôha me gôndé?

Jean 7:19 ပူးပေါင်းရင်းမြစ်များ

Matthieu 12:14

Apharisien amakusa gô eba aNzambé na amadigaa gétungu gôévanga gépangô gôéyôha Jésus.

Matthieu 21:38

Tambô, akeneyie vamamôenahngô aviga, ahmavovo anguene n’anguene mbe: Nôeni ône angaviagana n’enyangee éatsagane vangawa kooko asô. Vigani tômôyôhéni. Na tsagane éngaba éasô n’anyô.

Marc 11:18

Tsesuye yakeekedi adigondoku, n’anigôi amige miaNzambé amookô ébégôe. Ahmabuta mônongo gôéyôha Jésus. Ivô ahmeena angô gomo gôébégô oma muetso ahmasôbasôbana gô mane mameekédaka Jésus.

Marc 3:4

Jésus ameevôa géômbége mbe: ?Nyee edunda, na gôéyanza mamisôba, na gôéyanza mabévani éne éabuedi yééni? ?Na gôédôngéda môma, na gôéyôha môma, éne éabuedi yééni? Muetso ahsibubué.

Marc 3:6

Apharisien amakusa gô eba agéwanyéô gôédigaa gétungu na géômbé saHérode mbe ahvanga gépangô gôéyôha Jésus.

Jean 1:17

Mige na mitôma miaNzambé mimaviga na tétasô Moïse. Mate mapie metso mamaviga na Jésus-Christ. Môétsine te Nzambé.

Jean 10:39

Ajuif amoomba éénda mbe amôtsôpa, ivô Jésus amoomba énôtôga vandé ahngô.

Jean 11:53

Bandôa nyoone atômie aAjuif amavangana gôéyôha Jésus.

Jean 5:16

T’ebandô peeye yAjuif amakuanaka Jésus gômadôngédangô mômôgôô nône nyee edunda.

Jean 5:18

Gô mavoviame mane, Ajuif amabuta gô minongo mietso gôéyôha Jésus. Ameena gôndé angô mabégô matatô. Amookuua môge anyee edunga. Na amamema mbe: Nzambé te téta. Na amabatéda amuene mbe: Wa na Nzambé tôndé ti môvo.

Jean 5:45

Kaka me nanganôsunda va mbene aTéta. One anganôsundani te Moïse, ône atanganédanye mbe tsoongone éasô te angô.

Jean 7:1

Gô ndéô nene, Jésus amaseta tsengene éaGalilée. Asisete éne éaJudée gôébégô peeye yAjuif amanyôngéô émôyôha.

Jean 7:25

Avo asi Jérusalem ameevôana anguene mbe: ?Mômôgôône ôdôô kaka te ône abutuku mbe ayôhu?

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Galatie 3:19

?Okô mbe éndé nane ébégô ndé migemie mine mimakitsô? Mimakitsô te gôémenyeda môma éne éyanzangô ésanyôngéô Nzambé. Mimakitsô mbe mingadinga ngu na vangaviga muanee aAbraham, te muanee ovanga. Asi g’ôba amavigédu na Nzambé gôétsua migemie mine na gôndé môma môvo. Angô amabaka gékambi va gatse aNzambé n’oma.

Galatie 6:13

Omeaa andé na gésima segeetu anguene asagobeda mige na mitôma miaNzambé. Abuta énôgeeteda ahngô ahkiaka anyemôga anguene mbe: Te we tôétsédi ahngô gémbégéa gô yôtô taô.