Jean 6:68 - New Testament in Mitsogo

⁶⁸ Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Jean 6:68 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

Marc 8:29

Jésus ameevôa ahngô mbe: ?Gatasanye, me nda‐vo? Pierre amamôaabéa mbe: Ewe te Christ, ômatômu na Nzambé.

LUC TSANGO EAMOSOBA EMATENDA 9:20

Jésus ameevôa ahngô mbe: ?N’anye, gô matasa manyô, me ndaa-vo? Pierre amamôaabéa mbe: Ewe te Christ, ône amatômu na Nzambé.

Jean 12:49

Menyani mbe me tsavovo gô ényangee éamemuene. Te Téta, ône amatôma me ameetsa me mabégôme mavovo me na meekéda me anye.

Jean 12:50

Me tsabômu mbe mane matôma Téta te mangô meetsa môma monyo amôbô na môbô. Te geendi me mbe: Mane mavovo me, namavovo te gatévédu me na Téta.

Jean 17:8

Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Mayanzame 13:26

Amôgôô, ana aTétee n’ami ana aAbraham, n’anye muetso nôneegeda Nzambé na gomo. Mabégôme mane magéobogeo mamakudégu gôndé wa n’anyô.

Mayanzame 4:12

Gôsaba géôbogeo go ngudi yamuene môma. Gô tsinane nyetso, gôsaba éene ina, ta n’evo émeetsa Nzambé gôndé wa n’anyô oma mbe tôngoobou gô éangô.

Mayanzame 5:20

Kiakani. Nôketema gô eba aNzambé. Nôkeékéda oma gakegea monyo aNzambé gô mitéma mioma.

Mayanzame 7:38

Bangôani mbe Moïse te ône amakénga na omee asô n’anyô gô tsenge émagasani. Amabaka na peeye yasô n’anyô. Amabaka gékambi va gatse ana aIsraël na môsi g’ôba amavovo n’edi gô ngongo amôkôdi aSinaï. Ameetsô na Nzambé mabégô mavôni matôétsa monyo, na amatsika mangô gôndé wa n’anyô.

Mayanzame 8:37

Philippe amamônigôa mbe: Okô éwe ôétsi Jésus môtémoo wetso, ôndé ngu gôéétsô bateme. Mômôgôô nône amanikéda mbe: Me namenya mbe neetsi môtémami wetso na gôndé Jésus-Christ. Tsabômu mbe angô te Muana ANzambé. Me tsamôtsuma paga.]