Jean 6:51 - New Testament in Mitsogo

⁵¹ Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Jean 6:51 ပူးပေါင်းရင်းမြစ်များ

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

LUC TSANGO EAMOSOBA EMATENDA 22:19

Jésus amabongo môpemba. Amakuméda Nzambé gô angô. Amabukua angô na ameetsa aneengie. Amanigôa ahngô mbe: Odôô te ôtôe ami ôétsiô gôndé anye. Indakani nane gôébangôa me.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 11:26

One adôngani na eetsa me môtémedi gébé na paga asangatsiga gô tsenge éowa. ?Oôkiô gavovi me-a?

Jean 3:13

Gôsaba môma amabata na g’ôba, buétsé te amuene Muana Amôma, ône amasuma g’ôba.

Jean 3:14

Gamatômba Moïse gégoni sanyogo éakunga gô péndé gô tsenge émagasani, te ôtômu mbe me Muana Amôma nangatômbu te mônongovo.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:33

Menyani mbe mipemba miitsa Nzambé môma, te mine miviga g’ôba na miitsa môma monyo.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Jean 6:41

Ajuif amakambôga gômeenda Jésus mbe: Me te môpemba ômaviga g’ôba.

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Jean 6:48

Me te môpemba ôétsa monyo.

Jean 6:50

Géé ône aa môpemba apie ôviga g’ôba, asangawa.

Jean 7:38

Matendeo MaNzambé meenda mbe: One eetsa môtémedi wetso na gôndé me, gétôka sameba meetsa monyo géngabundugaka gô môtémedi.

II Corinthiens 5:19

Endé te nane. Nzambé amayanza na Jésus‐Christ gôénikéa évambéda oma n’amuene géboné ébévee éasô n’anyô oma. Na amatôtôma tungu yetso gôénigôa tsangô éevamba émavangangô.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Ephésiens 5:25

Anye amôgôô nyôngéôni agayanyô n’etondo évôni mônongovo ganyôngéô Christ asi mbumu éedi, na ameetsa monyo edi gôéwa gôndé yangô.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Hébreux 10:20

Jésus amatôpadéa nzéa éamanza ésikiakô na mbeego. Nzéa nene te éamonyo na éôta gô môkanda ombô ômabaka gô eba aNzambé. Ombô ône ômakakô gômabetu ôtô aJésus.

I Pierre 2:4

Tambô weseani na gôndé Kumu. Buéyé gamakinô angô n’oma mbe étaé ésanyônganéôni, angô te étaé ésipéda monyo, na émasevou na Nzambé mbe éagéneemba.

I Jean 2:2

Amuene Jésus‐Christ amadeekedu na Nzambé gôéwa gômbe ébévee éasô n’anyô ésingéô kokoo. Kaka éne éasô n’anyô étévo ivô te na éne éoma muetso.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.