Jean 6:30 - New Testament in Mitsogo

³⁰ Oma amamôévôa mbe: ?Gôétubéda we ngudiye yoo ôngeenda nayee? ?Ongatubéda we gémbégéa ndé géngeetsa we éwe mitémamie? Yanza va miso masô ébégô ényônganéôni ésoongôa môma ésupua.

Jean 6:30 ပူးပေါင်းရင်းမြစ်များ

Marc 15:32

Tambô Christ, ône eendô mbe môtômi aIsraël, asutuméké va gésumu vandé angô vane. Okô tôeni angô asutuméa we tôsangadôtsuma paga. N’ahngô abaé ahmakomedu kukepo n’edi ahmamôtoko te nane.

Marc 8:11

Apharisien ahmaviga ahmabandôa étsunda na Jésus. Ahmanyôngéô émôkubéda buéyé gô mayanza medi mamisôba. Ahngô mbe: Tônyôngéô éena gémbégéa gétubéda mbe ngudi yoo diviga gôndé Nzambé.

Jean 10:38

Géé me, nayanza te mane manyôngéô Téta, n’anye nôgétsumaka me paga. Béyé gatsumanye me paga, singani mane meenanye me nayanza. Vane paga yanyô dinganôtôga. N’anye nôngamenya mbe na gô pie, Téta Nzambé andé môvo n’ami. Na me dôta nandé môvo n’edi.

Jean 12:37

Buéyé gameenda Jésus mabégô mayekani mamisôba mangudi yaNzambé mamatsapéô oma, ahngô asimookéô.

Jean 2:18

Vameena Ajuif éne émeenda Jésus amamôsemba mbe: ?Ene ééndi éwe gô eba aNzambé ôtômiô na ndaa mbe: Inda te nane? Okô mbe ôndé n’enyanga tubéda we gémbégéa.

Jean 4:8

(Aneengie aJésus te amakea na gô mbôka gôésômba môyakô.)

Jean 6:14

Oma ameena ébégôe évôni émayanza Jésus ésoongôa môma ésupua. Amasôbasôbana mbe: Mômôgôône ôdôô te na gô pie môpandôédi atômiô na Nzambé na gô tsengene, avigini.

Jean 6:2

Géômbé gévôni gémaanda Jésus te vameenahngô gémbégéa sangudi yaNzambé vamadôngéda Jésus abeeyie.

Jean 6:36

Bangôani gamavovo me n’anye mbe anye nômeena me na miso manyô na nôgétsumaka me paga.

Mayanzame 4:30

Konyo ôgogoe woo gômbe oma angadôngédu. Na mbe émbégéa éngeendôni na mabégô manyônganéôni masoongôa môma ésupua mangeenanô. Singa mabégô mema meendô gô ina aJésus môyanzi oo amatsimamani.

I Corinthiens 1:22

Ajuif anyôngéô étubédu émbégéa éangudi yaNzambé, te mayanza manyônganéôni masangoongôa môma ésupua gôémenya na gô pie mbe Nzambé andéké. Agrec dôta abuta éodo gôémenya mabégô metso.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.