Jean 5:7 - New Testament in Mitsogo

⁷ Môbeene amamônigôa mbe: Môékédi, me tsaba na môma gôétsua me mbe nakuyaméa gô gévondoge. Vapupa mebame, buéyé mbe nakanégéké ékea, muene apanga ékuyaméa, te me madeo tsibuéa.

Jean 5:7 ပူးပေါင်းရင်းမြစ်များ

Jean 5:2

Gô môsengee ône va kôbangô ombaa ôéndô mbe Mandombo, gôndéké gévondo gévôni gémeeba oma. Vamabaka n’eba akomu ditayi. Gévondoge géne gématetu g’ôgi aHebreu mbe Bethzatha.

Jean 5:3

Gô komuye dine gômayama abeeyi ayekani, asi pogu na ane avékumani, n’ane amagégésanéani. [Muetso ameenéaka mebame mapupédu.

Jean 5:4

Emabaka te nane. Môsi g’ôba amavigédu na Nzambé amasuma gô ndéô na ndéô gôépupéda mebame magévondoge. Vamapupa mebame, môbeene apanga ékuyaméa gô mangô te ône angadôngani pati yebeea.]

Jean 5:6

Jésus ameena mômôgôô nône andé yama. Asibômu mbe ôdôô adingi na beeagane. Amamôévôa mbe: ?Ewe, ônyôngéô édônga-a?

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

I Corinthiens 9:24

Anye nôsabômu mbe ane akea matséé akea muetso pita ivô kaka muetso angadiiani. Gôdiia te môvo. Tambô wa n’anyô tôyavôgéni évevea pita buta mbe tôbuéa.