Jean 5:44 - New Testament in Mitsogo

⁴⁴ Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?

Jean 5:44 ပူးပေါင်းရင်းမြစ်များ

Matthieu 23:5

Mane mayanzahngô amayanza v’ekanga mbe ényepee éaô éenanô n’oma. Môbôtô aMatendeo MaNzambé ôtsua eekédi, ahngô avundéda angô na atsua angô kataga va panza yaô na va mogo maô gômbe ôenanô. Ngoyi yaô yeekédi, aditongeda na adinyepeda gôéenanô n’oma.

LUC TSANGO EAMOSOBA EMATENDA 19:17

Mamisôba. Ewe môyanzi agobedani. Omayanza mamisôba gô vibégô vigevige, nagôétsa ényanga gôétôma nzima amisenge.

Jean 12:43

Amootéa ényôngéô ékumédu n’oma na asinyôngéô ékumédu na Nzambé.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 3:20

Mômane ayanza mabégô mabévani adudu gévede na asasinga sangô gétana gôndé angô. Eena gomo kabaga mane medi mabévani meenanô na vede v’ekanga.

Jean 5:41

Me tsabuta kumane ékuméda oma.

Jean 8:43

?Anye nôsanigôgéô mane manigôa me anye nayee? Anye nôébakanédu kabaga nômookô.

Romains 2:10

Menyani mbe Nzambé angeetsa ôndômbee wedi na ôkumakee wedi na gétabége sedi gôndé ane eenda ganyôngéô amuene Nzambé. Mapangame te Ajuif, na va ngimane te ane asaba Ajuif.

Romains 2:29

One andé na gô pie Môjuif asigeetu gô gékeneo samige mimatenduni, ivô amageetu na Gédidi SaNzambé gô môtémedi. One andé na gô pie Môjuif asakumédu na môma. Akumédu te na Nzambé.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 10:18

Endé te nane. Okô môma asénga amuene, ôséngue ône ôsaba na tsoongo. Oséngue ôndé na tsoongo te ône ôséngu môma na Kumu Nzambé.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

1 Thessaloniciens 2:6

Tôsibuta ékumédu na anye, vo na muene môma. Tambô, tômabaka n’enyanga gôénôtôma ti tômaga. Enyangee te gômasevou na gômatômu we na Jésus‐Christ.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

Hébreux 3:12

Me, môtendine agésangôge egé, nanôevéda mbe: Wemani mitéma mianyô, anye ana aTéta agô mbumu éaNzambé. Kabaga mine mianyô dôta midenganô n’ebéva na paga gôénôtongéda gôdagôda na Nzambé, Kumu amonyo.

Jacques 2:1

Ana aTéta agô mbumu éaNzambé anye nôétsi mitéma mianyô na gôndé Jésus‐Christ Kumu agéneega setso. Nônatatôa oma gô nzoh amôkanda vo go ényepa éamôkanda.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.