41 Me tsabuta kumane ékuméda oma.
Amootéa ényôngéô ékumédu n’oma na asinyôngéô ékumédu na Nzambé.
Me tsabuta môma gôénônigôa mane mamemuene. Ivô nanôpandôéda gakegea ébégôe gômbe nôngoobou.
Buéyé vane nôsanyôngéô éviga na gôndé me gôédiia monyoe apie.
Me tsabômu mitéma mianyô. Me tsabômu mbe anye nôsanyôngéô évamba na Nzambé.
Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?
Jésus asibômuku mbe: Omeaa anyôngéô éétsa me ényanga gôéba môtômine waô ava tsina. Amayavôga énôtôga vandé ahngô na amakea na gô ngongo amôkôdi amuene gébé na môma.
Jésus angô mbe: One avovo gô ényangee éedi amuene abuta ékumédu. Ivô ône ayanza mbe môtômine wedi akumédu asangapata. Na mane medi metso te mapie matévo.
Me tsabuta éakuméda memuene. Gôndéké muene angakuméda me, angô te môtsundédine amabégô metso.
Jésus amasiia mbe: Mbe naakuméda memuene, kumane éami mbe ésaba na tsoongo. Me nakumédu te na Téta, ône eendanye mbe, Nzambé éasô.
Tôsibuta ékumédu na anye, vo na muene môma. Tambô, tômabaka n’enyanga gôénôtôma ti tômaga. Enyangee te gômasevou na gômatômu we na Jésus‐Christ.
Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.
We tômabaka vangô vameetsô angô na Téta Nzambé ôbébayi ôtubéda ôkumaka aNzambé. Tômadenganô vamookanô ôgi aKumu ondômba wetso ômavovo mbe: Odôô te Muanami amôtôma amiso. Namônyôngéô na nzoo na gô môtéma.
