Jean 5:39 - New Testament in Mitsogo

³⁹ Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 5:39 ပူးပေါင်းရင်းမြစ်များ

Matthieu 22:29

Jésus amaabéa ahngô mbe: Anye nôbômu te gôsamenyanye Matendeo maNzambé na gôsamenyanye ngudi yaNzambé.

Marc 10:3

Jésus amaabéa ahngô gô nyivô mbe: ?Môge ndé ômookô anye na Moïse?

Marc 12:10

Anye nôsabômu ébégô édué ématendu gô Matendeo MaNzambé, mbe: Etaé émakina assayi eba Te éangô émakoga étaé éav’epandaka.

LUC TSANGO EAMOSOBA EMATENDA 16:29

Abraham amasiia mbe: Anayoo andé na mitôma mimatsikéô angô na Moïse. Andé dôta na ndongi yapandôédi amatasa maNzambé. Mbe ookô yangô.

LUC TSANGO EAMOSOBA EMATENDA 16:31

Na Abraham amamôbeenda mbe: Okô ahsiôkô meekédu maMoïse na mane mapandôédie, asavidôôkô buéyé mbe môma amawani akundugéké.

LUC TSANGO EAMOSOBA EMATENDA 24:25

Vane Jésus amasemba ahngô mbe: Ah, anye oma agébé n’eodo. Mitéma mianyô mindé na paga gôésinga éetso émavovo apandôédi amatasa maNzambé.

LUC TSANGO EAMOSOBA EMATENDA 24:27

Na vane, amasupua gô Matendeo MaNzambé metso maamuene Jésus, bandôa na meekédu maMoïse na mane mamatenda apandôédi amatasa maNzambé.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Jean 1:45

Gô mbene anzéa, Philippe amawanya na Nathanaël. Amamônigôa mbe: Tôenani na ône amavovoko Moïse gô miganda mimatendangô mige na mitôma na ndongi yaNzambé. Te ône amanigôa dôta apandôédi amatasa maNzambé. Te Jésus muana aJoseph, môsi mbôkane ééndô mbe Nazareth.

Jean 5:32

One anigôa mane mami te muene na me tsabômu mbe angô asapata.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 5:40

Buéyé vane nôsanyôngéô éviga na gôndé me gôédiia monyoe apie.

Jean 5:46

Okô mbe anye nômeetsa mitémamie na gô pie na gôndé Moïse, mbe nômamiétsa dôta na gôndé me, gôébégô Moïse te épo mbangi émanigôa mane mami.

Jean 7:52

Akedi amamôdeta mbe: ?Tambô n’ewe muetso to môsi Galilée-a? Tangaka Matendeo MaNzambé. Ongeena mbe ta na môpandôédi môvo amatasa maNzambé amaviga gô Galilée.

Mayanzame 13:27

Te asi Jérusalem na peeye yaô ahsibangôé mbe Jésus ôdôô te ône amasevou na Nzambé. Asiôkô mabégô mamatenda apandôédi amatasa maNzambé. Tambô mabégôme mane te mangô matangôni gô pitsi yetso yedunda. Na mabégôme mamadugédu vameeséda ahngô Jésus mbe: Ayôhu te yôhgu.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

Mayanzame 26:27

Ewe Agrippa môtômi atsenge ?ôtasa nayee gô mabégô mema? Gô éne émavovo apandôédi amatasa maNzambé ?éwe ôôngôa éétsa môtémee-a? Me namenya mbe éwe ôsoongôa étsuma éangô paga.

Romains 1:2

Matendeo MaNzambé matônigôa mane mamavovo apandôédi amatasa maNzambé mbe: Nzambé amavanga mbeego mbe angatôkudégéa Tsangô éedi Eamôsôba.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

Hébreux 11:16

Ahsinyimé tsengene ématôtahngô. Ahmanyima te tsengene éôtéa ényepani, te éne éag’ôba. T’ebandô Nzambé amanyôngéô étetu mbe Nzambé aô, na amakônzéa omeaa môsenge ôvôni.

Hébreux 11:35

Gômabaka ageto ameetsa Nzambé mitéma miaô mietso gétsumé ngudi yedi paga. N’ahngô ameena omee waô ahkunduga g’ôwa gôénikéa édigaa n’ahngô. Oma ayekani amayôhu gômavambangô môtémovo na Nzambé. Adudeoe waô amatséva n’ahngô gatséva nzotsi na tanga, ivô oma aNzambé asinzeegede ina aNzambé buta mbe akusédu gô panda. Amasinga gôéyôhu mbe akea na gô wene monyo amôsôba.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.