Jean 5:30 - New Testament in Mitsogo

³⁰ Jésus amanigôa mbe: Tsoongôa éyanza gô ngudi yamemuene. Natsundéda oma te gatévu me na Nzambé. Vane géesédéô sami géeséda me oma gésapengana gôébégô tseenda éne ényôngéô memuene. Me neenda te éne ényôngéô ône amatôma me.

Jean 5:30 ပူးပေါင်းရင်းမြစ်များ

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 17:4

Namatsutsuéda gô tsina géneegage sondômbee woo. Eyanzee évôni émeetsô me n’ewe, namani éedugéda.

Jean 18:11

Jésus amadékéda Pierre mbe: Nikéda yengane yoo gô kôtô. ?Gébunguge samaguga gémeetsô me na Téta tambô tsangagényua-a?

Jean 4:34

Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 5:19

Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 8:28

Jésus amavovo n’ahngô mbe: Vangamananye étômba na ébanéga me Muana Amôma, te vanganigôgéô anye mbe, me tsipata gômaviga me, na gôkea me na gandéké me. Nônganigôgéô dôta mbe éne éénda me, tseenda éangô gô ényangee éamemuene. Nanônigôa te mane meekédu me na Téta matévo.

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

Jean 8:50

Me tsabuta éakuméda memuene. Gôndéké muene angakuméda me, angô te môtsundédine amabégô metso.

Romains 15:3

Jésus-Christ asidigee gô monyoe ava tsina gô gényônga samuene. Oôkôni éne étônigôu na Matendeo MaNzambé mbe: Matokime matokou éwe, mamaaga te gôndé me.

Romains 2:2

Tôsabômu mbe Nzambé asatatôa oma na asapenganéda éne éeséda angô abévie, ane agônga Nzambé na disôba yaô.

Romains 2:5

Ti g’ôsôba amôtémee woo ôsasinga ndongi, na ôsasinga ékoga. Menya mbe ôkôva ômuene tsôgôô éôtéa édagani na gôndé ômuene, nyaa ôngeenanô ôpisa aNzambé na géesédéô sedi gésapenganani.