Jean 5:25 - New Testament in Mitsogo

²⁵ Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.

Jean 5:25 ပူးပေါင်းရင်းမြစ်များ

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

LUC TSANGO EAMOSOBA EMATENDA 15:32

Ivô deo noo tôtsôkékéni na tôaakéni môambôe gôvigi môdimine woo ône. Môdimine woo ône abaki mônongovo ga môma amawani na aniki gôéba na monyo. Amadimbanaka na atsutsugi.

LUC TSANGO EAMOSOBA EMATENDA 9:60

Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 4:21

Jésus angô mbe: Môgeto noo, ôôkô éne évovo me. Gô ndéô évigani éne énganeegadanye Téta, kaka gô môkôdie ôdôô. Kaka dôta gô Jérusalem.

Jean 4:23

Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 5:28

Nômbiatsapéô ndéône étôweseani. Te ndéône éngookô muetso ane amawani andé gô ngii, ookô ôgie aMuana ANzambé.

Jean 6:60

Aneengie ayekani n’eôkô mane mamavovo Jésus, ahmatsapéô mbe: ?Akasô mônongo ameekédu ôndé nayee? Odaga. ?One angamasingani indaa?

Jean 8:43

?Anye nôsanigôgéô mane manigôa me anye nayee? Anye nôébakanédu kabaga nômookô.

Jean 8:47

One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.

Jean 9:27

Amavovo mbe: Me namani énônigôa metso n’anye nôsookô. ?Nôomba étsundéda me nane gôndé? Buétsé nônyôngéô ékoga aneengi edi.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.