Jean 5:23 - New Testament in Mitsogo

²³ Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Jean 5:23 ပူးပေါင်းရင်းမြစ်များ

Matthieu 10:37

One anyôngéô me, na angô ootéa ényôngéô yeedi na tétedi asaba kuanakue gôétetu mbe mômami. One anyôngéô me, na angô ootéa ényôngéô muanedi amômôgôô na muanedi amôgeto, angô kaka mômami.

Matthieu 11:27

Jésus amavovo mbe: Tétami amani édeekeda me mabégô metso. Gôsaba môma angoongôa émenya me, Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angatubédu Téta na me.

Matthieu 12:21

Asi tsengeye yetso yagô tsina angaténdéda te ango.

Matthieu 15:8

Nzambé amavovo mbe: Omee adua ahneegeda me te na mavovia. Mitéma miaô mindé gôdagôda n’ami.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

LUC TSANGO EAMOSOBA EMATENDA 10:16

Jésus amavovo n’aneengie edi mbe: One ookéô anye, ookéô te na me. One akina anye, akina te na me. Na ône akina me, akina te na ône amatôma me.

Jean 14:1

Jésus amavovo n’angeengi edi mbe: Nômbiaba na mikebanganô gô mitéma mianyô. Itsani Nzambé mitéma mianyô. Vane itsani na me miangô.

Jean 16:14

Génganeegeda me gôngabongo sangô mabégô gô mane mami gôénôbeenda mangô.

Jean 17:10

Eetsô éndé na me, te éoo. Eetso éndé n’ewe te éami. Ondômbee okumakee wami ôenanô gôndé omee woo.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 15:12

Esaïe amatenda mbe: Muana gô ébôta éaJéssé angaviga. Angasevou gôétôma tsengeye yetso. Oma abono miso maô te gôndé angô.

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

I Corinthiens 1:3

Te mbe Tétasô n’anyô Nzambé na Kumu asô n’anyô Jésus‐Christ anôétsa mate medi na gétabé sedi.

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

I Corinthiens 16:22

Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.

I Corinthiens 6:19

?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.

II Corinthiens 1:9

We tômaniki émenya mbe maaki we makôdi. Tambô émabaka nane gôétôtubéda mbe môma asoongôa ékusa gô panda amuene, ivô ngudiye yetso dindé na Nzambé, ône akundua ane amawani.

II Corinthiens 5:14

Gôébégô étondoe éndé na Christ, te éangô étôma wa n’anyô. Wa n’anyô te ane asaba na paga mbe môvo amawa te gôndé muetso. Evéndégéô mbe wa n’anyô muetso tôwéyi ôwoovo n’edi.

II Corinthiens 5:19

Endé te nane. Nzambé amayanza na Jésus‐Christ gôénikéa évambéda oma n’amuene géboné ébévee éasô n’anyô oma. Na amatôtôma tungu yetso gôénigôa tsangô éevamba émavangangô.

Ephésiens 6:24

Te mbe mate maNzambé mabaké gôndé muetso ane anyôngéô Kumu asô n’anyô Jésus‐Christ na vitoo ésagogakani.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

Hébreux 1:6

Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

I Jean 2:23

Ekegea te nane. One akina Muana ANzambé Jésus, akina dôta na Téta Nzambé. One asinga Muana asinga na Téta.

II Jean 1:9

One asadigaa gô meekédu maChrist akôndéga na mane maamuene, agésa na génôngô te ône asamenya Nzambé. One adigaa gô meekédume asabômu Téta Nzambé na Muanedi Jésus.