Jean 5:19 - New Testament in Mitsogo

¹⁹ Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.

Jean 5:19 ပူးပေါင်းရင်းမြစ်များ

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

LUC TSANGO EAMOSOBA EMATENDA 21:15

Menyani mbe memuene nanganôétsa éodo évôni na mavovia mangudi. Vane buéyé n’adudeoe wanyô asangamenya ékitsanganéa anye na asangoongôa ésiia.

Jean 10:18

Gôsaba môma anôtôa me monyoe wami gôéyôhu. Ivô naadeekeda memuene gôéwa. Nandé n’enyanga gôéadeekeda memuene gôéwa. Nandé n’enyanga dôta éomba éba na monyo. Te éne ématômu me na Téta.

Jean 12:49

Menyani mbe me tsavovo gô ényangee éamemuene. Te Téta, ône amatôma me ameetsa me mabégôme mavovo me na meekéda me anye.

Jean 12:50

Me tsabômu mbe mane matôma Téta te mangô meetsa môma monyo amôbô na môbô. Te geendi me mbe: Mane mavovo me, namavovo te gatévédu me na Téta.

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 2:19

Jésus amavovo n’ahngô mbe: Panzani ebee aNzambé ôdôô. Nangasaa wene ôngagôga gô pitsi ditatô.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 8:28

Jésus amavovo n’ahngô mbe: Vangamananye étômba na ébanéga me Muana Amôma, te vanganigôgéô anye mbe, me tsipata gômaviga me, na gôkea me na gandéké me. Nônganigôgéô dôta mbe éne éénda me, tseenda éangô gô ényangee éamemuene. Nanônigôa te mane meekédu me na Téta matévo.

Jean 9:4

Vagébaka nyee tôyanzéké mane manyôngéô ône amatôma me. Nyee ôédie, môma asoongôa éyanza gô évitsi.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

I Corinthiens 15:12

We tôékéda mbe: Jésus amakunduga g’ôwa. ?Tambô avo va gatse anyô nayee nôvovo mbe, ane amawani asangakunduga g’ôwa‐a?

II Corinthiens 4:14

Tôsabômu mbe Nzambé te ône amakundua Kumu Jésus g’ôwa na te angô angatôkunduani dôta g’ôwa na Jésus. Angatôtsigéda n’anye muetso géômbé gévo va mbene edi.

II Corinthiens 5:10

Gô éne éyanza we tôdônga na yôtô yedi tôngatsundédu vatema we va mbene aChrist. Tôngadiia, môma na môma, éne éndé kuanakue n’edi buéyé mbe mane mamisôba vo mane mabévani gamayanza wa n’anyô gô yôtô yedi.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Ephésiens 3:16

Ngudi yaNzambé dindé n’okumaka éedi. Namôduka mbe anôétsa ngudiye yedi dine gôésipa na mbe Gédidi sedi gééngéa gô mitéma mianyô.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

Philippiens 4:13

Me tsadagéô na mabégô mema metso. Nandé gô mangô te gô ngudi yaChrist, ône oodedaka me.

Colosses 1:11

We tôduka Nzambé mbe nôsipédu na noodedu na ngudi yedi dipôni dindé n’ondômba. Buta mbe nôbibéda na gényônga géniké ngima gô minongo mietso.

Colosses 1:16

Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

1 Thessaloniciens 4:14

Ene éétsa we mitéma miasô gébé na paga, te mbe Jésus amawa na amakunduga. Te mônongovo na we, tôténdéda mbe ane amawa amamôétsa mitéma miaô, Nzambé angakundua ahngô gôéba monyo ga Jésus.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.