Jean 5:17 - New Testament in Mitsogo

¹⁷ Ivô Jésus amanikéda ahngô mbe: Téta, ône andé g’ôba ayanza kuka yetso. Na me te mônongovo. Nayanza te kuka yetso.

Jean 5:17 ပူးပေါင်းရင်းမြစ်များ

Matthieu 10:29

Tônyoyi tôbaé tôsômbédu dodepo. Buéyé vane, ôkô vivo viaagi na gô tsina, amuene Nzambé asabômu mbe viaagi.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 14:10

Tambô ôgétsumaka paga gôénda me mbe me nandé môvo na Téta. Na Téta dôta andé môvo n’ami. Metso mavovo me n’anye muetso, kaka mamemuene. Téta, ône andé môvo n’ami, adugéda te mane manyôngéô angô.

Jean 5:16

T’ebandô peeye yAjuif amakuanaka Jésus gômadôngédangô mômôgôô nône nyee edunda.

Jean 5:18

Gô mavoviame mane, Ajuif amabuta gô minongo mietso gôéyôha Jésus. Ameena gôndé angô mabégô matatô. Amookuua môge anyee edunga. Na amamema mbe: Nzambé te téta. Na amabatéda amuene mbe: Wa na Nzambé tôndé ti môvo.

Jean 9:4

Vagébaka nyee tôyanzéké mane manyôngéô ône amatôma me. Nyee ôédie, môma asoongôa éyanza gô évitsi.

Mayanzame 14:17

Eébéyée nane, amatubéda amuene gôndé môma gô mane mamisôba mamayanza angô gôndé môma nône. Anônyôgédéa mbuua éviga g’ôba. Anôkandédéa mbôtô mbe nôngaa môyakô gô ndéôye yetso. Mitéma mianyô mitsôkéa mane mamisôba meetsô anye n’edi.

Mayanzame 17:28

Ematendu mbe: Gô ngudi yedi tôvéguma na gô ngudi yedi tôpupa. Na gô ngudi yedi tôndéké deo noo. Te éne émanigôa atendie wanyô mbe: Na tôndéké anedi.

I Corinthiens 12:6

Na gôndéké ésima éyékani éamisôba ébumba Nzambé gô môtéma amôma, na Nzambéne éne te épo.

Colosses 1:16

Te gô ngudi yedi mbe Nzambé amakana na amavanga éetso éndé g’ôba na éetso éndé gô tsina. Eetso, ékegea mbe éne éenanôni na éne éseenanôni. Ngudi yeedidie te yedi. Na ditômuye na ényangee, na ngudi yetso te yaChrist. Nzambé amavanga na amakana éetso gô ngudi yaChrist na éetso te éedi.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.