Jean 4:34 - New Testament in Mitsogo

³⁴ Jésus amanigôa ahngô mbe: Môyakôe wami te gôégobeda ône amatôma me. Môyakôé wami dôta te gôémana éyanza ématômu me n’edi.

Jean 4:34 ပူးပေါင်းရင်းမြစ်များ

Matthieu 26:39

Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Matthieu 3:15

Jésus amaabéa angô mbe: Ebaké vita nane. Tôéndé te éne étôtômu na Nzambé. Na Jean asiombé ékina.

Matthieu 9:19

Jésus n’aneengie ahmatimôga ahmakea n’edi.

LUC TSANGO EAMOSOBA EMATENDA 15:10

Jésus amatimbôanéda mbe: Nanôbeenda mbe asi g’ôba ayanzie aNzambé atsôkéa ti tsôkéa gôndé môma môbévani, buéyé mbe môvo akoa môtémedi gôéba wene mônongo.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 2:49

Jésus amaabéa ahngô mbe: ?Anye nôbuti me gôndé? ?Anye nôsamenya mbe gésooge sami géndé te gô eba aTéta égô-a?

Jean 17:4

Namatsutsuéda gô tsina géneegage sondômbee woo. Eyanzee évôni émeetsô me n’ewe, namani éedugéda.

Jean 19:28

Va mbenene vane, Jésus asibômu mbe mabégô metso magôgi na amaadôngana mbe: Nookô sôé. G’ôgie ône ômeenanô éne émeevéda Matendeo MaNzambé.

Jean 19:30

Vamamanangô éviva mebame manganye mane, Jésus amayusuméda évovo mbe: Eetso édugi. Amatsokodono na amawa.

Jean 4:32

Jésus amavovo n’ahngô mbe: Me nandé na môyakô ôsamenyanye.

Jean 5:30

Jésus amanigôa mbe: Tsoongôa éyanza gô ngudi yamemuene. Natsundéda oma te gatévu me na Nzambé. Vane géesédéô sami géeséda me oma gésapengana gôébégô tseenda éne ényôngéô memuene. Me neenda te éne ényôngéô ône amatôma me.

Jean 5:36

Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.

Jean 6:33

Menyani mbe mipemba miitsa Nzambé môma, te mine miviga g’ôba na miitsa môma monyo.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 8:29

One amatôma me andéké n’ami. Menyani mbe asatsika me tsani gôénda me mane manyôngéô amuene.

Mayanzame 20:35

Gô mabégô metso me namani énôtubéda gayanza môma na mogo medi. Buéyé na gôéwedéa misuga nameenda te nane. Veenda wa n’anyô nane, tôbangôa éne émavovo Kumu Jésus mbe: Na gôéétsô, na gôéétsa, éne éôtéa na gényônga te gôéétsa.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.